شہروز کاشف کے ٹو سرکرنے والے کم عمر ترین کوہ پیما بن گئے

19 سالہ کوہ پیما کی اس کامیابی، خوابوں کی تعبیر میں معاونت فراہم کرنے میں والد کا نمایاں ہاتھ ہے

ذیشان مہتاب منگل 27 جولائی 2021 11:11

شہروز کاشف کے ٹو سرکرنے والے کم عمر ترین کوہ پیما بن گئے

لاہور (اردو پوائنٹ تازہ ترین اخبار ۔ 27 جولائی 2021ء ) شہروز کاشف ایک اور کارنامہ انجام دیتے ہوئے کے ٹو سر کرنے والے کم عمر ترین کوہ پیما بن گئے ہیں۔ 19 سالہ لاہور کے رہائشی شہروز کاشف نے ورلڈ ریکارڈ قائم کر دیا ہے۔

(جاری ہے)

شہروز کے والد کاشف سلمان نے میڈیا سے بات کرتے ہوئے اس ریکارڈ کی تصدیق کی ہے اور موقف اختیار کیا کہ شہروز دو ماہ قبل ماونٹ ایورسٹ سرکرنے والے پاکستان کے کم عمر ترین کوہ پیما بنے تھے اور اب شہروز کاشف نے دنیا کی دوسری اورپاکستان کی سب سے اونچی چوٹی بھی سرکی ہے۔

شہروز کاشف نے روانگی سے پہلے کے ٹوسمیت تمام سرکردہ چوٹیوں کی ٹاپ پر پاکستانی پرچم لہرانے کا عزم ظاہرکیا تھا۔ ان کی اس کامیابی اور خوابوں کی تعبیر میں معاونت فراہم کرنے میں ان کے والد کا نمایاں ہاتھ ہے۔