بیڈمنٹن، ماحور شہزاد ٹوکیو اولمپکس سے باہر

ٹوکیو (اردو پوائنٹ تازہ ترین اخبار ۔ 27 جولائی 2021ء ) ٹوکیو اولمپکس میں خواتین بیڈمنٹن کے سنگلز ایونٹ میں پاکستان کی ٹاپ سیڈ کھلاڑی ماحور شہزاد اپنا دوسرا گروپ میچ ہارنے کے بعد ایونٹ سے باہر ہوگئی ہیں ۔ انگلینڈ کی کرسٹی گلمور نے ماحور شہزاد کو سخت مقابلے کے بعد 14-21 اور 14-21 سے شکست دی ۔ اس سے قبل خواتین بیڈمنٹن کے سنگلز ایونٹ میں پاکستان کی ماحور شہزاد کو جاپان کی ایکانی یاماگوچی نے 3-21 اور 8-21 سے آؤٹ کلاس کر دیا تھا۔

(جاری ہے)

دوسری جانب ٹوکیو اولمپکس میں پاکستانی شوٹر گلفام جوزف میڈل راؤنڈ کے لیےکوالیفائی نا کر سکے، مینز 10 میٹر ائیر پسٹل میں گلفام جوزف کی نویں پوزیشن رہی۔ فائنل راؤنڈ کے لیے 8 شوٹرز کو کوالیفائی کرنا تھا، کوالیفکیشن راؤنڈ میں ایک موقع پر گلفام جوزف کی 7ویں پوزیشن ہو گئی تھی تاہم گلفام جوزف ساتویں پوزیشن برقرار نہیں رکھ سکے۔