آرمی چیف سے سعودی وزیرِ خارجہ کی ملاقات،باہمی دلچسپی کے امور، افغان امن عمل اور خطے کی سلامتی کی صورتِ حال پر تبادلہ خیال

شہزادہ فیصل بن فرحان السعود نے آرمی چیف جنرل قمرجاوید باجوہ سے گفتگو میں پاکستان کو غیر متزلزل حمایت کی یقین دہانی کرائی

بدھ 28 جولائی 2021 14:23

آرمی چیف سے سعودی وزیرِ خارجہ کی ملاقات،باہمی دلچسپی کے امور، افغان ..

راولپنڈی (اُردو پوائنٹ اخبارتازہ ترین - این این آئی۔ 28 جولائی2021ء) پاک فوج کے سربراہ جنرل قمر جاوید باجوہ سے پاکستان کے دورے پر آئے ہوئے سعودی وزیرِ خارجہ شہزادہ فیصل بن فرحان السعود نے ملاقات کی جس میں باہمی دلچسپی کے امور، افغان امن عمل اور خطے کی سلامتی کی صورتِ حال پر تبادلہ خیال کیا گیا ۔پاک فوج کے شعبہ تعلقاتِ عامہ (آئی ایس پی آر) کی جانب سے جاری کیئے گئے اعلامیئے میں کہا گیا ہے کہ ملاقات میں باہمی دلچسپی کے امور، افغان امن عمل اور خطے کی سلامتی کی صورتِ حال پر بات چیت ہوئی، علاقائی امن اور رابطے کے لیے باہمی تعاون پر تبادلہ خیال بھی کیا گیا۔

آئی ایس پی آر کے مطابق سعودی وزیرِ خارجہ شہزادہ فیصل بن فرحان السعود نے آرمی چیف جنرل قمرجاوید باجوہ سے گفتگو میں پاکستان کو غیر متزلزل حمایت کی یقین دہانی کرائی۔

(جاری ہے)

آئی ایس پی آر نے بتایا کہ سعودی وزیرِ خارجہ شہزادہ فیصل بن فرحان السعود نے خطے میں امن و استحکام کے لیے پاکستان کی مخلصانہ کوششوں کو سراہا۔آئی ایس پی آر کے مطابق آرمی چیف جنرل قمر جاوید باجوہ نے سعودی وزیرِ خارجہ شہزادہ فیصل بن فرحان السعود سے گفتگو میں کہا کہ پاکستان اور سعودی عرب کے تعلقات اخوت اور باہمی اعتماد پر مبنی ہیں۔

انہوں نے کہا کہ دونوں ممالک امن اور استحکام کے لیے اپنا کردار ادا کرتے رہیں گے۔آئی ایس پی آر کے مطابق پاک فوج کے سربراہ جنرل قمر جاوید باجوہ نے پاکستان اور اس کی مسلح افواج کے لیے حمایت پر سعودی قیادت کا شکریہ ادا کیا۔