پاکستان میں غیر مسلموں کے حقوق بھی ہیں،آئین میں کسی بھی زبردستی تبدیلی کی اجازت نہیں ،مولانا طاہراشرفی

مکوآنہ/فیصل آباد (اُردو پوائنٹ اخبارتازہ ترین - این این آئی۔ 29 جولائی2021ء) وزیر اعظم کے نمائند ہ خصوصی برائے بین المذاہب ہم آہنگی مولانا طاہر اشرفی نے فیصل آباد سرکٹ ہائوس میں میڈیا کانفرنس کرتے ہوئے کہا ہے کہ آئین پاکستان پر سیکولر قیادت کے دستخط ہیں،ملکی مذہبی قیادت نے بھی اس پر دستخط کیے،اس آئین پر پوری قوم نے اتفاق کیا،آئین پاکستان میں غیر مسلموں کے حقوق بھی ہیں،آئین میں کسی بھی زبردستی تبدیلی کی اجازت نہیں۔

انہوںنے کہاکہ 2017میں پیغام پاکستان میں خودکش حملوں کو غلط کہا،رابطوں میں کچھ کمزوریاں ہیں،اس پر کام کریں،افسوس بین الاقوامی میڈیا ہمارے اقدامات کو نہیں دیکھ رہے ہیں،اسلامی نظریاتی کونسل نے مندر کا مسئلہ حل کیا،اس پر ہندو پنجائیت نے بھی حمایت کی۔

(جاری ہے)

انہوںنے کہاکہ پیغام پاکستان آئین کے بعد سب سے اہم ہے،ہماری ریاست کے خلاف سازشیں ہورہی ہیں،عوام اور افواج کو ایک دوسرے سے لڑانا چاہتی ہے،فوج ہمارے ماتھے کا جھومر ہے ،مذہبی طبقہ فائر بریگیڈ کا کام دیتا ہے۔

انہوںنے کہاکہ ہمیں رابطوں اور ضابطوں کی ضرورت ہے،اس ملک میں 8 ماہ سے مذہبی فساد نہیں ہوا،کہا جاتا تھا کہ توہین رسالت کا غلط استعمال ہوتا ہے،ہندو کو زبردستی اپنے خدا کے خلاف بات کروانے والے شخص کو سزا ہوگی،اسلام آباد میں نور قتل پر ہم زخمی ہیں،نور کا نہیں معاشرے کا گلا کاٹا گیا ہے،معاشرے کو بدلنا ہوگا، کس نے طے کیا کہ خاوند جو مرضی کرے،عور سسکتی رہتی ہے کہ چپ ہی رہو گی سننے والا کوئی نہیں،جبری شادی کا اسلام میں کوئی جگہ نہیں۔

انہوںنے کہاکہ بیٹیوں کو باندھو نہیں یہ جانور نہیں، ان سے پوچھو،جبری شادی اور جبری تبدیلی مذہب اسلام نہیں،نظریاتی کونسل سے 2 بار استعفیٰ دیا۔ انہوںنے کہاکہ نواز شریف نے مجھ سے استعفیٰ کی وجہ پوچھی،اس دور میں ماضی سے بہت اچھا کام ہورہا ہے،گھریلو تشدد بل کا قانون ہے، اسلام سب سے بڑا بہنوں بیٹیوں کا محافظ ہے،اسلام بہنوں بیٹیوں کو زبح کرنے کا حق نہیں کہتا،کہاہے کہ جس کو ہمارا آئین اچھا نہیں لگتا وہ کسی اور ملک چلاجائے ،ملکی مسلم و غیر مسلم قیادت نے پیغام پاکستان ترتیب دیا ،جبری شادی کی اسلام میں کوئی جگہ نہیںدوسرے کی حق تلفی نہ کرنا پیغام پاکستان ہے۔