کراچی ایکسپو سینٹر میں قائم ماس ویکسی نیشن سینٹر میں سائینو فارم ویکسین ختم

جمعہ 30 جولائی 2021 13:32

کراچی ایکسپو سینٹر میں قائم ماس ویکسی نیشن سینٹر میں سائینو فارم ویکسین ..
کجراچی (اُردو پوائنٹ اخبارتازہ ترین - این این آئی۔ 30 جولائی2021ء) کراچی کے ایکسپو سینٹر میں قائم ماس ویکسی نیشن سینٹرمیں سائینو فارم ویکسین ختم ہوگئی۔کراچی میں کورونا سے بچاؤ کیلئے ویکسین لگوانے کیلئے ماس ویکسی نیشن سینٹر میں عوام کا رش دیکھاگیا۔ذرائع کا کہنا ہے کہ ویکسین کی دوسری ڈوز لگوانے والوں کو واپس بھیجا گیاانتظامیہ ویکسی نیشن سینٹر کا کہنا ہے کہ ایک سے دو روز میں سائینو فارم ویکسین آجائے گی۔

(جاری ہے)

واضح رہے کہ کراچی میں کورونا ویکسین نہ لگوانے پر سم بند کرنے کی تجویز کے بعد شہریوں کی بڑی تعداد ویکسین سینٹر پہنچی ترجمان محکمہ صحت کا کہنا تھا کہ ایک دن میں 1لاکھ 88 ہزار سے زائد لوگوں نے ویکسین لگوائی۔یاد رہے کہ وزیر اطلاعات سندھ سید ناصر حسین شاہ نے اعلان کیا تھا کہ ویکسین نہ کرانے والے کی سم بند کردی جائے گی۔کراچی میں رفیقی شہید ہسپتال میں ویکسین سینٹر کے افتتاح کے موقع پر میڈیا سے گفتگو میں ناصر شاہ نے کہا تھا کہ جو ویکسین نہیں کرائے گا اس کی سم بند کردی جائے گی۔