مریم اورنگزیب نے شہبازشریف کے خلاف نئی انکوائری کو نیب نیازی گٹھ جوڑ کی غنڈہ گردی قرار دے دیا

شہبازشریف کے خلاف نئی انکوائری نیب نیازی گٹھ جوڑ کی غنڈہ گردی اور ہراساں کرنے کی ایک اوراوچھی کوشش ہے ، بیان

جمعرات 5 اگست 2021 15:00

مریم اورنگزیب نے شہبازشریف کے خلاف نئی انکوائری کو نیب نیازی گٹھ جوڑ ..
اسلام آباد (اُردو پوائنٹ اخبارتازہ ترین - این این آئی۔ 05 اگست2021ء) پاکستان مسلم لیگ (ن) کی ترجمان مریم اورنگزیب نے شہبازشریف کے خلاف نئی انکوائری کو نیب نیازی گٹھ جوڑ کی غنڈہ گردی قرار دے دیا ۔اپنے بیان میں انہوںنے کہاکہ شہبازشریف کے خلاف نئی انکوائری نیب نیازی گٹھ جوڑ کی غنڈہ گردی اور ہراساں کرنے کی ایک اوراوچھی کوشش ہے ۔ انہوںنے کہاکہ نیب نیازی گٹھ جوڑ 3 سال میں عدالتوں اور عوام کے سامنے بے نقاب ہوچکا ہے ،منی لانڈرنگ ، نام نہاد احتساب کا عمران صاحب کا بیانیہ نیست ونابود ہوچکا ہے لیکن ان کے حسد کی آگ بجھ نہیں سکی ۔

انہوںنے کہاکہ نیب نیازی گٹھ جوڑ کو آٹا، چینی، بجلی گیس، ایل این جی سکینڈلز نظر نہیں آتے ، شرم آنی چاہئے ،نیب ایگزیکٹوبورڈ کو اربوں روپے کے رنگ روڈ سکینڈل، دوائی سکینڈل دکھائی نہیں دیتے ،مہنگی اور تاخیر سے منگوائی جانے والی ایل این جی کے اربوں روپے کا سکینڈل میں نیب کو ’کیس‘ نظر نہیں آتا،نیب کو عمران صاحب کا ہیلی کاپٹر کیس نظر آتا ہے نہ دوائی چور، ایل این جی چور وزیر مشیر نظر آتے ہیں ۔

(جاری ہے)

انہوںنے کہاکہ عمران صاحب چوری کرتے رنگے ہاتھوں پکڑے جائیں تو کمیشن بنادو ،وزیر مشیر پکڑے جائیں تو وزارت بدل دو، واہ عمران صاحب، یہ کیا ہے آپ نے طاقتور کو قانون کے نیچی ،عمران صاحب اے ٹی ایمز اور مافیاز کو سہولت دیں لیکن نیب کو نظر نہیں آتا ، یہ تماشا اور بھونڈا مذاق بند کرنا ہوگا۔