محر م الحرام کا جامع سیکیورٹی پلان مرتب کیا جائے،آئی جی اسلا م آباد
تفصیلات کے مطابق آئی جی اسلام آباد قاضی جمیل الرحمان کی زیر صدارت سنٹرل پولیس آفس میں محرم الحرام کی سیکیورٹی انتظامات کے حوالے سے اعلیٰ سطح کا اجلاس منعقد ہوا
عمر جمشید جمعرات 5 اگست 2021 16:21
آئی جی اسلام آباد نے ڈی آئی جی آپریشنز کو تمام تر سیکیورٹی انتظامات کی نگرانی خو د کر نے کی ہدایات جاری کرتے ہوئے کہا کہ محرم الحرام کے حوالے سے جامع سیکیورٹی پلا ن مرتب کیا جائے ،یکم محرم الحرام سے ضلع بھر کی تمام امام بارگاہوں پر مجالس کے دوران سیکیورٹی کے فول پروف انتظامات کئے جائیں، حساس قسم کی امام باگاہوں پر سی ٹی ڈی کے جوان تعینات کئے جائیں،کورونا کے حوالے سے جاری کردہ حکومتی ایس او پیز پر عملدرآمد کو یقینی بنا یا جائے، مجالس کے دوران ڈیوٹی پر مامور رضاکاروں سمیت پولیس کے افسران و جوانوں کو بھی سپیشل کارڈز جاری کیے جائیں ،امام بارگاہوں میں ہر قسم کے ٹریفک کی داخلے پر پابند ی عائد کی جائے اور ان کے اردگرد خار دار تاریں لگائی جائیں تاکہ کوئی غیر متعلقہ شخص داخل نہ ہو سکے۔
(جاری ہے)
ڈی جی سیف سٹی کو ہدایات دیتے ہوئے کہا کہ سیکیورٹی انتظامات کی نگرانی کے لئے سیف سٹی میں خصوصی کنٹرول روم قائم کیا جائے ، تمام مجالس کی ڈرون اور سی سی ٹی وی کیمروں، سمارٹ کارز کی مدد سے سرویلنس کی جائے ،تمام مجالس کی ویڈیو ریکا رڈنگ کی جائے اور امام بارگاہوں میں داخل ہونے والے ہر شخص پر کڑی نگاہ رکھیں تاکہ کوئی بھی ناخوشکوار واقعہ رونما نہ ہوسکے۔
اے آئی جی سپیشل برانچ اس بات کو یقینی بنائیں کہ امام بارگاہ میں داخل ہونے والے تمام افراد واک تھرو گیٹ سے گزر کر داخل ہوں ، مجالس میں آنے والے تما م عزاداروں کی چیکنگ کو یقینی بنایا جائے ، کوئی بھی شخص بغیر چیکنگ کے اندر داخل نہ ہوسکے،بم ڈسپوزل سکواڈکا عملہ مجالس کے دوران سر چنگ کو یقینی بنائے گا۔
ایس ایس پی ٹریفک ایک جامع ٹریفک پلان مرتب کریں مجالس کے دوران کار پارکنگ کا مناسب کا انتظام کیا جائے اوراس بات کو یقینی بنائیں کہ گاڑیوں کی پارکنگ امام بارگاہوں سے دور رکھی جائے۔
ڈی آئی جی ہیڈکوراٹرز محرم الحرام کے دوران ضرورت کے وقت لا جسٹک سپورٹ فراہم کرنے کے ساتھ ساتھ ڈیوٹی پر مامور افسران و جوانوں کو وقت پر معیاری کھانے کی فراہمی کو یقینی بنائیں گے۔
آئی جی اسلام آباد نے کہا کہ زونل ایس پیز اپنے اپنے زونز میں امام باگاہوں کے منتظمین ،علماءاکرام، تاجرکمیونٹی اور دیگر متعلقہ افراد سے ملاقات کریں اور ان اس بات پر آمادہ کریں کہ امن وامان قائم رکھنے میں اپنا کردار ادا کریں ، وقت کی پابندی کو بھی ملحوظ خاطر رکھا جائے، مزید انہوں نے کہاکہ سیکورٹی انتظامات میں کسی قسم کی کوتاہی یا لاپرواہی ہر گز برداشت نہیں کی جائے گی۔
مزید اہم خبریں
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
قرآن نذر آتش کرنے والا عراقی سویڈن کے رویے سے مایوس
-
وزیرمملکت برائے آئی ٹی شزہ فاطمہ خواجہ سے پاکستان سافٹویئر ہاوسز ایسوسی ایشن کے اعلی سطح وفد کی ملاقات
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
سوشل میڈیا پر سب سے بڑا چیلنج جعلی خبریں ہیں، وفاقی وزیراطلاعات
-
پاکستان دہشت گردوں، سہولت کاروں کو انصاف کے کٹہرے میں لانے کیلئے پرعزم ہے، دفترخارجہ
-
یحیی السنورجہاں بھی ہے، ہم زندہ یا مردہ اس تک پہنچیں گے،اسرائیل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.