کراچی میں قتل کی متعدد وارداتوں میں ملوث کالعدم سپاہ محمد کا دہشتگرد گرفتار

ملزم نے شریف آباد کے علاقے میں مسجد میں نمازیوں پر فائرنگ کی جس سے آٹھ نمازی شہید ہوئے ،پولیس

جمعرات 5 اگست 2021 16:44

کراچی میں قتل کی متعدد وارداتوں میں ملوث کالعدم سپاہ محمد کا دہشتگرد ..

کراچی (اُردو پوائنٹ اخبارتازہ ترین - این این آئی۔ 05 اگست2021ء) کانٹر ٹیررازم ڈیپارٹمنٹ (سی ٹی ڈی) نے عائشہ منزل پر کارروائی کرتے ہوئے سپاہ محمد کے کارندے کو گرفتار کرلیا۔ملزم علی رضا نقوی کے قبضے سے غیر قانونی اسلحہ بھی برآمد ہوا۔

(جاری ہے)

ملزم اپنے ساتھیوں کی گرفتاری کے بعد بیرون ملک چلا گیا تھا اور واپس آنے کے بعد اپنا گینگ دوبارہ منظم کرنے کی کوشش کررہا تھا۔سی ٹی ڈی حکام کے مطابق ملزم نے شریف آباد ، تیموریہ اور دیگر علاقوں میں ٹارگٹ کلنگ کی، ملزم نے مسجد میں نمازیوں پر فائرنگ کی جس سے آٹھ نمازی شہید ہوئے ، ملزم قتل کی متعدد وارداتوں میں ملوث رہا ہے۔