تبدیلی کے نام پر مافیاز ملک و قوم کو لوٹ رہے ہیں،سراج الحق
پی ٹی آئی نے احتساب و انصاف کو قبر کھود کر دفن کر دیا، وزیراعظم نے قوم سے کیا گیا ایک وعدہ بھی پورا نہیں کیا،امیر جماعت اسلامی
منگل 24 اگست 2021 00:33
(جاری ہے)
حکمرانوں سے مطالبہ کرتا ہوں کہ افغانستان میں اسلامی حکومت کو تسلیم کرنے میں کسی ہچکچاہٹ کا مظاہرہ نہ کرے اور امریکہ اور یورپی طاقتوںکی طرف نہ دیکھا جائے۔
یقین ہے کہ افغانستان میں امن و استحکام آئے گا، مستقبل میں پاک افغان تعلقات مزید مضبوط ہوں گے۔ افغانستان میں ایمان اورجذبہٴ حریت کو فتح جب کہ مادی وسائل اور استعمار کو شکست فاش ہوئی۔ امت مسلمہ کو غلام بنا کر نہیں رکھا جا سکتا۔ وہ دن دور نہیں جب کشمیر اور فلسطین پر بھی آزادی کا سورج طلوع ہو گا۔ ان خیالات کا اظہار انھوں نے منصورہ میں جماعت اسلامی کے مرکزی قائدین سے گفتگو کرتے ہوئے کیا۔ امیر جماعت سندھ کے دورہ کے بعد پیر کو جماعت اسلامی کے مرکز لاہور پہنچے۔ سندھ میں دیگر مصروفیات کے علاوہ انھوں نے جماعت اسلامی کے 80ویں یوم تاسیس کے حوالے سے میرپور میں ایک بڑے عوامی اجتماع سے خطاب کیا۔ انھوں نے کراچی کے عید گاہ گراؤنڈ ناظم آباد میں اجتماع عام بسلسلہ تاسیس جماعت اسلامی و بیاد سید منور حسن سے بھی خطاب کیا۔دیگر مقررین میں مرکزی نائب امیر اسد اللہ بھٹو،امیر صوبہ سندھ محمد حسین محنتی،مرکزی ڈپٹی سیکریٹری محمد اصغر،امیر کراچی حافظ نعیم الرحمن،سینئرصحافی،تجزیہ وکالم نگار مظہر عباس،سید منور حسن کے انتہائی قریبی رفقاء و ساتھی پروفیسر سعید عثمانی،شفیع نقی جامعی اور نائب امیر کراچی ڈاکٹر اسامہ رضی شامل تھے۔ امیر جماعت نے کہا کہ الیکشن ریفارمز ملک کی سب سے اہم ضرورت ہیں۔ من پسند افراد کو منتخب کرانے کی روش، عوام کو جمہوری نظام سے باغی کردے گی۔ انھوں نے کہا کہ ملک کو داخلہ و خارجہ فرنٹ پر بڑے چیلنجز کا سامنا ہے۔ حکمران کشمیر کو آزاد کرانے کے بجائے قوم کو ڈرا رہے ہیں، اگر بے سروسامانی مگر ایمان ویقین سے مالا مال افغان دو سپر طاقتوں روس و امریکہ کو شکست دے سکتے ہیں تو کوئی وجہ نہیں کہ کشمیریوں کو بھارت غلام بنا کر رکھ سکے۔ انھوں نے کہا کہ پاکستان کا روشن و تابناک اور محفوظ مستقبل ملک میں آئین اور شریعت کی بالادستی سے ممکن ہے۔اسلامی پاکستان بناکر ہی ملک کو مسائل کی دلدل سے نکالا جاسکتا ہے۔ عوام جماعت اسلامی کی دیانتدار باصلاحیت اور محب وطن قیادت پر اعتماد کرے۔ قوم آئندہ الیکشنز میں جماعت اسلامی کا بھرپور ساتھ دیں ۔ انھوں نے کہا کہ جماعت اسلامی ایک نظریاتی جماعت اور اقامت دین کی تحریک ہے۔ سید مودودیؒنے 80سال قبل اس کی بنیاد رکھی اور اسی بنیاداور مقصد کے تحت جدوجہد جاری ہے۔ سید منور حسن ایک فرد نہیں بلکہ جہد مسلسل تھے، وہ صبح شام تحریک و تحرک اور مزاحمت کا استعارہ تھے۔ ہمیں عہد کرنا ہے کہ اپنی ساری زندگی،مال ، وقت اور تمام تر صلاحیتیں تحریک میں لگائیں گے اور زندگی کے آخری لمحے اور خون کے آخری قطرے تک اقامت دین کی جدوجہد جاری رکھیں گے۔سراج الحق نے کہا کہ ایک پر امن اور اسلامی افغانستان پاکستان سمیت پورے عالم اسلام کی ضرورت ہے۔ پاکستان ، اسلامی دنیا اور عالمی برادری افغانستان کے زمینی حقائق اور جمہور کی آواز کو تسلیم کرے۔ افغانستان کو دوبارہ غیر مستحکم کرنا پورے خطے کے عوام کے مستقبل سے کھیلنے اور اسے آگ کے شعلوں میں لپیٹنے کے مترادف ہو گا۔سراج الحق نے کہا کہ کراچی منی پاکستان اور عالم اسلام کا اہم شہر ہے،ہمارا عزم اور عہد ہے کہ اسے تنہا نہیں ہونے دیں گے،اسے سنواریں گے ۔ انھوں نے کہا کہ جماعت اسلامی کراچی کے گھمبیر مسائل کے حل کی جدوجہد اور عوامی خدمات جاری رکھے گی۔ میرپور خاص میں تاسیسی کنونشن سے نائب امیر جماعت اسلامی پاکستان اسداللہ بھٹو، امیر جماعت اسلامی سندھ محمد حسین محنتی، امیر جماعت اسلامی ضلع میرپورخاص محمد افضال آرائیں، امیر جماعت اسلامی میرپورخاص حاجی نور الہی، مغل محمد رفیق چوہان اور عبدالرشید شیخ نے بھی خطاب کیا۔ کنونشن میں ہزاروں شہریوں تاجروں، صحافیوں، علمائے کرام، معززین و عمائدین شہر ،نوجوانوں اور کارکنان جماعت نے بڑی تعداد میں شرکت کی۔مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.