زلمی فائونڈیشن کی آئی سی سی ویمن ورلڈ کپ کوالیفائر میں شریک ترکی ویمن کرکٹ ٹیم کو کٹ گئیرز کا تحفہ

ترکی ویمن کرکٹ ٹیم کی کھلاڑیوں کی جانب سے زلمی فاؤنڈیشن اور پشاور زلمی کا شکریہ ادا ،ترکی ویمن کرکٹ ٹیم 2023ویمن ورلڈ ٹی 20کوالیفائر میں شریک ہوگی

منگل 24 اگست 2021 14:57

پشاور (اُردو پوائنٹ اخبارتازہ ترین - این این آئی۔ 24 اگست2021ء) زلمی فائونڈیشن نے آئی سی سی ویمن ورلڈ کپ کوالیفائر میں شریک ترکی ویمن کرکٹ ٹیم کو کٹ گئیرز (کرکٹ کا مکمل سامان اور کٹس) کا تحفہ دیا ۔زلمی فاونڈیشن کی جانب سے آئی سی سی ویمن ورلڈ کپ کوالیفائر میں شریک ترکی ویمن کرکٹ ٹیم کو کرکٹ گئیر ( کرکٹ کا مکمل سامان اور کٹس) فراہم کردی گئی۔

ترکی ویمن کرکٹ ٹیم 2023ویمن ورلڈ ٹی 20کوالیفائر میں شریک ہوگی۔

(جاری ہے)

ترکی ویمن کرکٹ ٹیم کی کھلاڑیوں نے کرکٹ گئیر فراہم کرنے پر زلمی فاؤنڈیشن اور پشاور زلمی کا شکریہ ادا کیا اور کٹس میں تصاویر بھی جاری کیں ،پشاور زلمی اور زلمی فاؤنڈیشن کے چیرمین جاوید آفریدی نے کہا کہ کھیلوں کے زریعے پاکستان اور ترکی کے درمیان تعلقات مزید مظبوط ہوں گے ،زلمی فائونڈیشن اور ترکی ڈیویلپمنٹ اسپورٹس برانچز کے درمیان 2018میں ایم او پر دستخط ہوئے تھے۔

پی ایس ایل فور میں ترکی کے دو کرکٹرز تجربے کے لیے پشاور زلمی اسکواڈ کے ساتھ موجود تھے،پاکستان میں ترکی کے سفیر مصطفی یرداکل اور ترکی میں پاکستان کے سفیر اور ڈپٹی ہیڈ آف مشن ارشد جان پٹھان نے کہا کہ پاکستان اور ترکی کے درمیان تاریخی برادرانہ تعلقات ہے اور کھیلوں کے زریعے یہ تعلق مزید مضبوط ہوگا ۔