شاہد آفریدی کو سرفراز احمد کی جگہ کوئٹہ گلیڈی ایٹرز کی کپتانی سونپے جانے کا امکان

آفریدی کے پی ایل کی فاتح راولا کوٹ کے کپتان رہے ہیں، وہ ٹیم کو لڑانے کا ہنر جانتے ہیں: ندیم عمر

ذیشان مہتاب بدھ 25 اگست 2021 12:22

شاہد آفریدی کو سرفراز احمد کی جگہ کوئٹہ گلیڈی ایٹرز کی کپتانی سونپے ..

لاہور (اردو پوائنٹ تازہ ترین اخبار ۔ 25 اگست2021ء ) سابق کپتان شاہد آفریدی کو سرفراز احمد کی جگہ ٹیم کا کپتان بنائے جانے کا بھی امکان ہے۔ پاکستان سپر لیگ (پی ایس ایل ) کے ساتویں ایڈیشن میں بوم بوم شاہد آفریدی کے ملتان سلطان چھوڑ کر کوئٹہ گلیڈی ایٹرزسے معاہدہ کرنے کی خبریں ہیں۔

(جاری ہے)

ایک انٹرویو میں ندیم عمر نے کہا کہ اگر سرفراز خود دستبردار ہونا چاہیں تو شاہد آفریدی کو ان کی جگہ کوئٹہ گلیڈی ایٹرز کا کپتان بھی بنایا جاسکتا ہے ۔

ندیم عمر نے کہا کہ شاہد آفریدی کے پی ایل کی فاتح راولا کوٹ کے کپتان رہے ہیں وہ ٹیم کو لڑانے کا ہنر جانتے ہیں، آفریدی سری لنکن لیگ میں گال گلیڈی ایٹرز کا بھی حصہ ہیں۔ واضح رہے کہ پی ایس ایل میں شاہد آفریدی پشاور زلمی، کراچی کنگز اور ملتان سلطان کی نمائندگی کرچکے ہیں۔