پاک امریکا تعلقات خاک مثالی ہیں، شیریں مزاری سینیٹ کمیٹی اجلاس میں پھٹ پڑیں

امریکا نے 2018 سے اب تک اپنا سفیر تک تو پاکستان بھیجا نہیں ہے، وفاقی وزیر انسانی حقوق

جمعہ 3 ستمبر 2021 15:45

پاک امریکا تعلقات خاک مثالی ہیں، شیریں مزاری سینیٹ کمیٹی اجلاس میں ..

اسلام آباد (اُردو پوائنٹ اخبارتازہ ترین - این این آئی۔ 03 ستمبر2021ء) وفاقی وزیر برائے انسانی حقوق شیریں مزاری نے کہا ہے کہ پاکستان اور امریکا کے تعلقات خاک مثالی ہیں، امریکا نے 2018 سے اب تک اپنا سفیر تک تو پاکستان بھیجا نہیں ہے۔

(جاری ہے)

سینیٹ کی قائمہ کمیٹی برائے انسانی حقوق کے اجلاس میں سینیٹر مشاہد حسین نے شیریں مزاری سے پوچھا کہ پاکستان پر غلط الزامات کا معاملہ امریکا کے سامنے کیوں نہیں اٹھاتے، آج کل تو حکومت کے امریکا کے ساتھ مثالی تعلقات ہیں۔

مشاہد حسین سید کے اس سوال پر شیریں مزاری پھٹ پڑیں اور کہا کہ پاکستان اور امریکا کے تعلقات خاک مثالی ہیں، 2018 سے اب تک امریکا نے پاکستان میں اپنا سفیر تک تو بھیجا نہیں ہے۔وفاقی وزیر نے کہا کہ امریکا نے پاکستان پر غلط الزام لگایا ہے، پاکستان چائلڈ سولجر کے حوالے سے اقوام متحدہ کے چارٹر پر مکمل عمل درآمد کر رہا ہے، چائلڈ سولجر لسٹ کے معاملے پر وزارت دفاع کے ساتھ مل کر اقدامات کریں گے۔