خلیج تعاون کونسل اجلاس ،حوثی قبائل کے حملوں کی مذمت ، فلسطین کی حمایت جاری رکھنے کا اعلان

حوثیوں کی بغاوت کے باعث یمن میں انسانی بحران پیدا ہوا ،یمنی وزیر خارجہ

جمعہ 17 ستمبر 2021 22:14

ریاض (اُردو پوائنٹ اخبارتازہ ترین - آن لائن۔ 17 ستمبر2021ء) خلیج تعاون کونسل نے سعودی عرب پر حوثی حملوں کی شدید مذمت اور فلطسین کی حمایت جاری رکھنے کا اعلان کردیا۔عرب میڈیا رپورٹ کے مطابق سعودی دارالحکومت میں خلیجی تعاون کونسل وزرائیخارجہ کا149واں اجلاس ہوا، جس میں جی سی سی ممالک کے وزرا نے شرکت کی۔وزیرخارجہ شہزادہ فیصل بن فرحان نے سعودی وفدکی قیادت کی، خلیجی تعاون کونسل وزرائے خارجہ کے اجلاس کے اختتام پر اعلامیہ جاری کیا گیا۔

اعلامیے میں کہا گیا ہے کہ اجلاس میں مشترکہ طورپر سعودی عرب پر حوثی باغیوں کے حملوں کی مذمت کی گئی، جی سی سی نے خطے میں امن و سلامتی کیفروغ کیلیے کوششیں جاری رکھنے پر زور دیا۔جی سی سی ممالک نے حوثی باغیوں کے چیلنجز سے نمٹنے کے لیے ریاض معاہدے پر عمل درآمدکی تاکید کی جبکہ خلیجی وزرائیخارجہ نے یمن کی آئینی حکومت کی تائید و حمایت کا اعادہ کیا۔

(جاری ہے)

اعلامیے میں چند ہفتے قبل بحر عمان میں آئل ٹینکرپرحملوں کی بھی مذمت کی گئی، مسئلہ فلسطین سیمتعلق جی سی سی کے مشترکہ غیرمتزلزل مؤقف کا اعادہ کیا گیا جبکہ فریقین کا رکن ممالک چیلنجز سے نمٹنے کے لیے ہرسطح پریکجہتی اور تعاون بڑھانے پر اتفاق کیا گیا۔اس موقع پر یمنی وزیر خارجہ نے اجلاس میں خطاب کرتے ہوئے کہا کہ حوثیوں کی بغاوت کے باعث یمن میں انسانی بحران پیدا ہوا جبکہ عراقی وزیر خارجہ نے کہا کہ مشترکہ مفادات،مضبوط تعلقات کیلئے اسٹریٹیجک معاہدیکیخواہش مند ہیں، بیروت سے تعلقات میں بہتری اور توازن کیلئے کوشاں ہیں، عراق تمام شعبوں میں تعاون کو فروغ دینے کا خواہش مند ہے۔