جاپان،سمندری طوفان کے نتیجے میں 5افراد زخمی ،49 پروازیں منسوخ ہوگئیں

ہفتہ 18 ستمبر 2021 14:14

ٹوکیو (اُردو پوائنٹ اخبارتازہ ترین - این این آئی۔ 18 ستمبر2021ء) جاپان میں سمندری طوفان چنتھو ساحلوں سے ٹکرانے کے نتیجے میں 5افراد زخمی ہوگئے جبکہ 49پروازیں منسوخ کر دی گئی ہیں۔

(جاری ہے)

امریکی میڈیا کے مطابق سمندری طوفان چنتھو کے نتیجے میں جاپان کے جنوب مغربی علاقوں شکوکو اور کیوشو جزائر کے جنوب مغربی علاقوں سے پروازیں منسوخ کر دی گئی ہیں جبکہ طوفان کے ساحلوں سے ٹکرانے کے نتیجے میں پانچ افراد زخمی ہوگئے ہیں۔ میڈیا رپورٹ کے مطابق اس وقت سمندری طوفان جاپان کے بحر الکاہل کے ساحل کے وسطی حصے میں مشرق کی جانب بڑھ رہا ہے اور ہوا کی رفتار 67 میل فی گھنٹہ ہے۔