جاوید میاںداد نے نیوزی لینڈ کے دورہ پاکستان ختم کرنے کو سازش قرار دے دیا

آگے جا کر پتہ چلے گا کہ معاملے کے پیچھے کس کا ہاتھ ہے :سابق کپتان

ذیشان مہتاب ہفتہ 18 ستمبر 2021 14:52

لاہور (اردو پوائنٹ تازہ ترین اخبار ۔ 18 ستمبر 2021ء ) پاکستان کرکٹ ٹیم کے سابق کپتان جاوید میاںداد نے نیوزی لینڈ کے دورہ پاکستان ختم کرنے کو سازش قرار دے دیا ۔

(جاری ہے)

نجی ٹی وی چینل سے گفتگو کرتے ہوئے 64 سالہ سابق کوچ اور کپتان نے کہا کہ پاکستان کی سکیورٹی صورتحال بہت بہتر ہے، یہاں پی ایس ایل کا کامیاب انعقاد ہوا جس میں کئی غیرملکی کھلاڑی بھی آئے لیکن نیوزی لینڈ نے وہ کام کیا جو سمجھ سے بالاتر ہے، آگے جا کر پتہ چلے گا کہ معاملے کے پیچھے کس کا ہاتھ ہے، اچانک سے سیریز کے منسوخ ہونے کے پیچھے کچھ نہ کچھ بات تو ہے۔

جاوید میاںداد نے کہا کہ وزیراعظم عمران خان کی یقن دہانیوں کے باوجود انکار کرنے کا جواز نہ تھا ، نیوزی لینڈ کا دورہ منسوخ کرنے کے پیچھے کوئی سازش ہے، یہ جاننا ضروری ہے نیوزی لینڈ کے انکار کے پیچھے کس کا ہاتھ ہے۔