کراچی، القادر فاؤنڈیشن کی فلاحی سرگرمیاں قابل ستائش ہیں،میاں ناصرحیات
پیر 20 ستمبر 2021 23:37
(جاری ہے)
اس موقع پر القادر فاؤنڈیشن کے مینجنگ بورڈ کے ممبران عامر اقبال مدنی رضا ،عبدالصمد بڈھانی ،خرم عبدالرزاق ،اشفاق موتی والا ،روفی صدیق اور دیگر بھی موجود تھے۔
القادرویلفیئرفائونڈیشن کے تحت ایمازان ٹریننگ پروگرام کے لیے ٹیسٹ کے ذریعے ایک ہزار طالب علموں کو منتخب کیا جائے گا ،جن کے ذریعے انہیں ملازمتوں کے مواقع حاصل ہوںگے۔میاں ناصر حیات مگوں نے کہا کہ ملک میں تعمیری سرگرمیوں اور غربت کے خاتمے کے لیے فلاحی اداروں کی سرگرمیاں قابل ستائش ہیں۔آج اس تقریب میں آکر مجھے انتہائی خوشی محسوس ہورہی ہے۔القادر فاؤنڈیشن نے نوجوانوں کو ہنر مند بنانے کے لیے جو پروگرام شروع کیا ہے اس سے ملک میںبے روزگار ی کے خاتمے میں مدد ملے گی اور اس پروگرام سے تربیت حاصل کرکے نوجوان باعزت روزگار حاصل کرسکیںگے۔غلام ہاشم نورانی اور ان کی ٹیم کی کاوشوں کو حکومتی سطح پر سراہے جانے کی ضرورت ہے۔آباد کے چیئرمین فیاض الیاس نے کہا کہ نوجوان پاکستان کی آبادی کا 54فیصد ہیں اور یہی ہمارا اثاثہ ہیں۔نوجوانوں کی بہترین تربیت کریں گے تومستقبل کے لیئے مضبوط ہو کرابھریں گے۔انہوںنے کہا کہ ہمیں فلاحی کاموں میں بڑھ چڑھ کرحصہ لیناچاہیے۔میمن فیڈریشن کے صدر حنیف موٹلانی نے کہا کہ کورونا وائرس نے جس طرح پوری دنیا کو متاثر کیا ہے اس کے بعد دنیا کو معمول کی طرف لانے کے لیے انتھک محنت کی ضرورت ہے۔اس وبا کی وجہ سے پوری دنیا میں لوگ بے روزگار ہوئے ہیں۔انہوںنے کہا کہ آنے والادور آئی ٹی کا ہے اور اگر کسی قوم کو ترقی کرنی ہے تو اس کے لیے نوجوانوں کو آئی ٹی تربیت فراہم کرنا ضروری ہے۔القادر فاؤنڈیشن کی جانب سے اس بڑے پیمانے پرنوجوانوں کو تربیت فراہم کرنا انتہائی خوش آئند ہے۔اس پروگرام سے استفادہ حاصل کرکے نوجوان ملک کی تعمیر و ترقی میں اپنا کردار ادا کرسکیں گے۔القادر فاؤنڈیشن کے چیئرمین غلام ہاشم نورانی نے اپنے خطاب میں کہا کہ ایمازان پروگرام تین مرحلوں پرمشتمل ہے۔ ٹیسٹ کے زریعے مجموعی طورپر1ہزارطالب علموں کومنتخب کیاجائیگا۔پروگرام کامقصدطالب علموں کے مستقبل کوروشن بناناہے۔پروگرام کے زریعے نوجوانوں کے لیئے ملازمتوں کے لیئے مواقع حاصل ہوں گے۔آئی ٹی کے میدان میں نوجوانوں کی حوصلہ افزائی کررہے ہیں۔باعزت روزگار کی فراہمی اولین ترجیح ہے۔ای کامرس کے میدان میں ترقی کے زیادہ مواقع موجود ہیں۔انہوںنے کہا کہ اس پروگرام کے ذریعہ تربیت حاصل کرنے کے بعد نوجوان 3سے 4ہزار ڈالر ماہانہ کمانے کے قابل ہوسکیںگے اور ملک کو خطیر زرمبادلہ بھی حاصل ہوسکے گا۔غلام ہاشم نورانی نے کہا کہ القادر ویلفیئر فانڈیشن 11 مختلف شعبوں میں خدمات انجام دے رہی ہے فاؤنڈیشن کی جانب سے ہزاروں افراد کی کورونا ویکسی نیشن کی گئی ہے جبکہ مختلف مقامات پر قائم دستر خوانوں پر غریب اور مستحق افراد کو کھانا بھی فراہم کیا جارہا ہے۔مزید قومی خبریں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
-
واپڈا نے منگلا بحالی اور اپ گریڈیشن منصوبے کے ایک اور پیکیج کے لئے کنٹریکٹ ایوارڈ کردیا
-
ریلویز میں جدید ٹیکنالوجی پر مبنی فیول مینیجمنٹ سسٹم کا آغاز ہو گیا
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.