دارالحکومت میں تجاوزات،غیر قانونی تعمیرات اور غیر قانونی تشہیری مہم کے خلاف بڑے پیمانے پر مہم کا آغاز

چیف کمشنر و چیئرمین سی ڈی اے کی ہدایات پر ایڈمنسٹریٹر ایم سی آئی سیدہ شفق ہاشمی مہم کی براہ راست مانیٹرنگ کریں گی .

پیر 20 ستمبر 2021 22:35

اسلام آباد(اُردو پوائنٹ اخبارتازہ ترین - این این آئی۔ 20 ستمبر2021ء) چیف کمشنر اسلام آباد کے احکامات پر وفاقی دارالحکومت میں تجاوزات،غیر قانونی تعمیرات اور غیر قانونی تشہیری مہم کے خلاف بڑے پیمانے پر مہم کا آغاز کر دیا گیا .

(جاری ہے)

چیف کمشنر و چیئرمین سی ڈی اے کی ہدایات پر ایڈمنسٹریٹر ایم سی آئی سیدہ شفق ہاشمی مہم کی براہ راست مانیٹرنگ کریں گی ،ڈائریکٹر ڈی ایم اے کیپٹن ریٹائرڈ سید علی اصغر فیلڈ آپریشن کی نگرانی کریں گے ،مہم کو کامیاب بنانے کیلئے ڈی ایم اے کے تمام سٹاف کو اپنی دستیابی یقینی بنانے کیلئے ہدایات جاری کر دی گئی ہیں،.ڈی ایم اے ٹیمیں اسلام آباد کے شہری اور دیہی علاقوں میں بلا تفریق آپریشن کلین اپ کریں گی آپریشن کے دوران فٹ پاتھس،گرین بیلٹس،مارکیٹس ہے برآمدے اور راہدایاں اور دیگر تجاوزات ہٹائیں گی،مہم کے دوران شہر بھر سے غیر قانونی تشہیری مہمات کا مکمل خاتمہ کرے گا،