انگلینڈ کرکٹ ٹیم کا پاکستان آنے سے انکار پر پیپلزپارٹی نے حکومت سے وضاحت کا مطالبہ کردیا

نیوزیلینڈ کا بعد انگلینڈ کرکٹ ٹیم کا پاکستان آنے سے انکار موجودہ حکومت پر ایک بہت بڑا سوالیہ نشان ہے،نیئر حسین بخاری

منگل 21 ستمبر 2021 18:46

اسلام آباد (اُردو پوائنٹ اخبارتازہ ترین - این این آئی۔ 21 ستمبر2021ء) انگلینڈ کرکٹ ٹیم کا پاکستان آنے سے انکار پر پیپلزپارٹی نے حکومت سے وضاحت کا مطالبہ کردیا۔

(جاری ہے)

اپنے بیان میں نیئر حسین بخاری نے کہاکہ نیوزیلینڈ کا بعد انگلینڈ کرکٹ ٹیم کا پاکستان آنے سے انکار موجودہ حکومت پر ایک بہت بڑا سوالیہ نشان ہے،انگلینڈ کرکٹ ٹیم کا انکار وزیراعظم کی سفارتی ناکامی ہے۔ انہوںنے کہاکہ وزیراعظم کی جانب سے اسامہ بن لادن کو شہید اور طالبان کی تعریف کی جائیگی تو پاکستان پر منفی اثرات ہی پڑیں گے،کرکٹ ٹیموں کی پاکستان آمد سے انکار کی وجوہات سامنے لائی جائیں،بتایا جائے کہ اگر کوئی سکیورٹی تھریٹ نہیں تو کرکٹ ٹیموں نے پاکستان آنے سے انکار کیوں کیا ہی ۔