بھارتی مظالم کا شکارمقبوضہ جموںوکشمیرکے لوگوں کے لئے امن نام کی کوئی چیز نہیں ، رپورٹ
حریت رہنمائوں کا اقوام متحدہ کی جنرل اسمبلی میں تنازعہ کشمیر اٹھانے کے پاکستانی وزیر اعظم کے فیصلے کا خیر مقدم
منگل 21 ستمبر 2021 20:37
(جاری ہے)
رپورٹ میں نریندر مودی اور ان کے حواریوں کو جوابدہ بنانے اور کشمیر میں جنگی جرائم کے ارتکاب پر بھارتی فوجیوں کے خلاف مقدمات چلانے کا مطالبہ کیاگیا ہے۔
کل جماعتی حریت کانفرنس کے ترجمان نے سرینگر میں ایک بیان میں نیویارک میں جاری اقوام متحدہ کی جنرل اسمبلی کے اجلاس میں تنازعہ کشمیر اٹھانے کے پاکستانی وزیر اعظم عمران خان کے فیصلے کا خیر مقدم کیا ہے۔ انہوں نے عالمی ادارے پر زور دیا کہ وہ مقبوضہ علاقے میں بین الاقوامی قوانین کی ان خلاف ورزیوں پر توجہ مرکوز کرے جن کی عکاسی کشمیریوں کو اپنے ہی وطن میں سیاسی ، معاشی ، تجارتی ، روزگار اور سفری حقوق سے محروم کرنے کے حوالے سے مودی حکومت کی طرف سے جاری کردہ مختلف حکمناموں میں ہوتی ہے۔دریں اثنا ء بھارتی حکام نے ضلع بارہمولہ کے علاقے اوڑی میں موبائل اور انٹرنیٹ سروسز معطل کر دی ہیں جہاں مسلسل تیسرے روز بھی محاصرے اور تلاشی کی کارروائی جاری رہی۔بھارتی تحقیقاتی ادارے این آئی اے کے اہلکاروں نے سرینگر اور وادی کشمیر کے دیگر علاقوں میں چھاپوں کے دوران متعدد افراد کو گرفتار کیا۔ضلع پونچھ میں احتجاجی مظاہرے کے دوران جھڑپوں میں ایک تحصیلدار ، ڈپٹی سپرینٹنڈنٹ پولیس ، ان کا ذاتی محافظ اور دو شہری زخمی ہوگئے۔ ضلع ادھمپور کے علاقے شیو گڑھ دھر میں آج بھارتی فوج کا ایک ہیلی کاپٹر گرکر تباہ ہوگیا جس کے نتیجے میں دو پائلٹ ہلاک ہوگئے۔بھارت کے انگریزی روزنامے’’ دی انڈین ایکسپریس‘‘ نے آج شائع کئے گئے اپنے اداریے میں کہا ہے کہ مقبوضہ جموںوکشمیر کی انتظامیہ کی طرف سے سرکاری ملازمین کے طرز عمل کے حوالے سے جاری کردہ نیا حکمنامہ علاقے میں بھارت کے خلاف نفرت میں مزید اضافے کا باعث بنے گا۔ اداریے میں جس کا عنوان ہے ’’شکوک و شبہات‘‘ کہا گیا ہے کہ اس طرح کے احکامات سرکاری ملازمت کرنے والے کشمیریوں کے خلاف سخت رویے کی نشاندہی کر رہے ہیں۔ادھربھارتی ریاست مغربی بنگال میں ایک ہزار سے زائد مسلمان لڑکیوں کو دوپٹہ اور حجاب پہننے پر لیڈی کانسٹیبل کی اسامیوں کے لیے نااہل قرار دیا گیا ہے۔ متاثرہ لڑکیوں نے صحافیوں کو بتایا کہ حجاب پہننا ان کا آئینی حق ہے اور پولیس ریکروٹمنٹ بورڈ کو انہیں مذہبی حقوق سے محروم کرنے کا کوئی حق نہیں ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.