مہنگائی کی شرح میں 12 ہفتوں سے مسلسل اضافہ ہو رہا ہے، شیری رحمان

پیٹرول کی قیمتوں میں حالیہ اضافے سے رواں ہفتے مہنگائی مزید بڑھے گی، رہنما پیپلز پارٹی

بدھ 22 ستمبر 2021 13:01

مہنگائی کی شرح میں 12 ہفتوں سے مسلسل اضافہ ہو رہا ہے، شیری رحمان

اسلام آباد (اُردو پوائنٹ اخبارتازہ ترین - این این آئی۔ 22 ستمبر2021ء) نائب صدر پیپلز پارٹی سینیٹر شیری رحمان نے کہا ہے کہ ادارہ شماریات کے مطابق مہنگائی کی شرح میں 12 ہفتوں سے مسلسل اضافہ ہو رہا ہے۔ اپنے بیان میں شیری رحمن نے کہاکہ گزشتہ ہفتے مہنگائی کی شرح میں 1.31 فیصد کا اضافہ ریکارڈ کیا گیا، 22 اشیائے ضروریہ کی قیمتوں میں اضافہ ہوا۔

(جاری ہے)

انہوںنے کہاکہ یوٹیلٹی اسٹورز پر مختلف اشیاء کی قیمتوں میں ایک بار پھر اضافہ کیا گیا ہے، پیٹرول کی قیمتوں میں حالیہ اضافے سے رواں ہفتے مہنگائی مزید بڑھے گی۔

انہوںنے کہاکہ اس حکومت نے آٹا، چینی، گھی اور دیگر بنیادی اشیاء کی قیمتوں میں پہلے ہی 50 فیصد کے قریب اضافہ کیا ہے، حکومت روٹی اور روزگار چھین کر کہتی ہے لوگوں کی آمدنی میں اضافہ ہوا ہے۔