سینئر صحافی وارث رضا کی گرفتاری کی شدید الفاظ میں مذمت کرتے ہیں اسے فوری رہا کیا جائے،. بی یو جے

بدھ 22 ستمبر 2021 22:40

کوئٹہ(اُردو پوائنٹ اخبارتازہ ترین - این این آئی۔ 22 ستمبر2021ء) بلوچستان یونین آف جرنلسٹس کے نے کراچی سے سینئر صحافی وارث رضا کو رات گئے گھر سے حراست میں لئے جانے کی سخت الفاظ میں مذمت کرتے ہوئے اسے صحافیوں کی آواز دبانے کی کوشش قرار دیا وارث رضا آزادی صحافت اور اظہار رائے کیلئے اٹھنے والی ہر تحریک میں ہر اوّل دستے کا حصہ رہے ہیں ان کی گرفتاری قابل افسوس بی یو جے اسے آزادی صحافت پر حملہ تصور کرتی ہوئے مطالبہ کرتی ہے کہ سینئر صحافی وارث رضا کو فوری طور پر رہا کیا جائے اور جو عناصر ان کی اغوا نما گرفتاری میں ملوث ہیں انکے خلاف قانون کے مطابق کارروائی کی جائے اور اگر وارث رضا پر کوئی الزام ہے یا ان سے کوئی مسئلہ درپیش ہے تو اس کی صورتحال سے آگاہ کیا جائے وارث رضا کی آزادی صحافت کیلئے خدمات اور جدو جہد کسی سے پوشیدہ نہیں اس طرح کے ہتھکنڈوں سے صحافیوں کو آزادی صحافت کی جدو جہد سے نہیں ہٹایا جاسکتا۔