ذہنی و جسمانی نشو نماء کے لئے صحت مند سرگرمیوں خصوصاً کھیلوں کا فروغ ضروری ہے ،غلام محمد خان

کراچی(اُردو پوائنٹ اخبارتازہ ترین - این این آئی۔ 26 ستمبر2021ء) کمشنر کراچی کے اسپورٹس کوارڈینٹر غلام محمد خان نے کہا کہ کھیلوں کے فروغ خصوصاً لیاری کے کھلاڑیوں کی سرپرستی کے حوالے سے شاہدہ پروین کیانی کی کاوشوں کو لائق تحسین قرار دیتے ہوئے اس قابل تقلید عمل قرار دیا ہے اگر ہم کھلاڑیوں کی بہتر تربیت اور سرپرستی کا بیڑا اُٹھا لیں تو ہمارا ملک سے کھیل کے شعبے میں بہتر ٹیلنٹ کو سامنے لایا جاسکتا ہے ان خیالات کا اظہار انہوں نے پہلا آل کراچی شاہدہ پروین کیانی گرلز اینڈ بوائز باکسنگ ٹورنامنٹ کے ٹیکنیکل آفیشلز اور ریفریز میں انعامات اور شیلڈ کی تقسیم کے حوالے سے ککری گرائونڈ لیاری پر منعقدہ تقریب سے خطاب کرتے ہوئے کیا اس موقع پر سندھ باکسنگ ایسوسی ایشن کے صدر ماسٹر اصغر بلوچ ،عبدالرزاق بلوچ ،رسول بخش بلوچ ،اولمپئن ملنگ بلوچ اور دیگر کے علاوہ ٹیکنیکل آفیشلز ،ریفریز اور شائقین کھیل کی بڑی تعداد موجود تھی غلام محمد خان نے اپنے خطاب میں ٹیکنیکل آفیشلز ریفریز اور فزیکل فٹنس انسٹریکٹر ز سے کہا کہ ٹیلنٹ کو سامنے لانے اور ایک ابہتر کھلاڑی کو پروان چڑھانے میں آپ کا کردار انہتائی اہم ہے آپ کے فیصلے اور تربیت سے ہی کھلاڑی اپنے آپ کو منواسکتے ہیں اور اپنے کھیل میں مزید نکھار لاسکتے ہیں انہوں نے کہاکہ ہمیں جہاں کھیلوں کے فروغ میں دلچسپی لینی چاہیئے وہیں کھلاڑیوں کی کوچنگ کے حوالے سے بہتر ماحول اور انسٹریکٹرز کا اہتمام کرنا ہوگا غلام محمد خان نے کہاکہ کمشنر کراچی شہر قائد میں کھیلوں کے تمام شعبوں کا فروغ چاہتے ہیں اُن کی دلی خواہش ہے کہ شہر کے میدان آبا د ہوں اور ہمارا نوجوان صحت مند سرگرمیوں کے حصول کے ذریعے اپنی جسمانی صحت کو بہتر بنا سکیں تقریب کے اختتام پر غلام محمد خان نیSPKباکسنگ ٹورنامنٹ کے آفیشلز میں شاہدہ پروین کیانی اور غلام عباس جمال ایڈوکیٹ لاء فرم کی جانب سے انعامات اور شیلڈز تقسیم کئے ۔