عمران خان اپنے پانچ سال پورے نہیں کریں گے،خواب دیکھا ہے 2022کے اکتوبر میں الیکشن ہوں گے، منظور وسان

نیب کو صرف مخالفین کے لئے ہی استعمال کیا جارہا ہے، نیب چیئرمین کی مدت بڑھانا عجیب بات ہے، مشیرزراعت سندھ کی میڈیا سے گفتگو

پیر 27 ستمبر 2021 15:56

عمران خان اپنے پانچ سال پورے نہیں کریں گے،خواب دیکھا ہے 2022کے اکتوبر ..

کراچی(اُردو پوائنٹ اخبارتازہ ترین - این این آئی۔ 27 ستمبر2021ء) پاکستان پیپلز پارٹی سندھ کے نائب صدر اور وزیر اعلی سندھ کے مشیر برائے زراعت منظور حسین وسان نے کہاہے کہ عمران خان اپنے پانچ سال پورے نہیں کریں گے،خواب دیکھا ہے کہ 2022 کے اکتوبر میں الیکشن ہوں گے، عوام کی عمران سے جان چھوٹ جائیگی۔میڈیا سے گفتگوکرتے ہوئے انہوں نے کہاکہ پہلے بھی بتا چکا ہوں کے عمران خان خود ہی چلا جائیگا حالات ایسے بن جائیں گے۔

پی ڈی ایم کی پیپلزپارٹی کے بغیر کوئی اہمیت نہیں اور نہ ہی کوئی طاقت ہے۔

(جاری ہے)

عمران خان نے اتنی مہنگائی کی ہے کہ عوام خودکشی کرنے پر مجبور ہیں۔انہوں نے کہاکہ افغانستان کا مسئلہ پوری دنیا کے لئے اہم ہے اگر افغانستان میں امن ہوگا تو پوری دنیا میں امن رہے گا۔انہوں نے کہا کہ نیب کو صرف مخالفین کے لئے ہی استعمال کیا جارہا ہے، حال ہی میں نیب چیئرمین کی مدت بڑھانا عجیب بات ہے۔ پیپلز پارٹی کی حکومت آتے ہی لوگوں کو نوکریوں پر بحال کریں گے۔ جی ڈی اے کا اب کوئی وجود نہیں رہا لوگ جی ڈی اے کو الوداع کررہے ہیں۔منظوروسان نے کہاکہ زراعت میں بہتری لانے کی کوشش کر رہے ہیں زراعت میں نئے اقدام کرنے کی کوشش کررہے ہیں۔جعلی دوائوں کے ڈیلروں کے خلاف جلد کریک ڈائون شروع کریں گے۔