اسرائیل کے ساتھ آئندہ مقابلہ مغربی کنارے میں ہو گا، حماس

مجاہدین اس مقصد کے لیے مغربی کنارے کے شہروں اور دیہات کو کنٹرول میں لائیں،ترجمان حازم قاسم

منگل 28 ستمبر 2021 11:30

تل ابیب(اُردو پوائنٹ اخبارتازہ ترین - این این آئی۔ 28 ستمبر2021ء) فلسطین کی اسلامی تحریک مزاحمت حماس کے رہ نما باسم نعیم نے کہاہے کہ اسرائیل کے ساتھ آئندہ معرکہ مغربی کنارے میں ہو گا اس لیے کہ یہ اسرائیل کا کمزور پہلوہے۔میڈیارپورٹس کے مطابق اپنے بیان میں باسم نے زور دیا کہ اس مقصد کے لیے مغربی کنارے کے شہروں اور دیہات کو کنٹرول میں لیا جائے۔

(جاری ہے)

البتہ یہ عمل موافقت سے ہونا چاہیے۔باسم نے مزید کہا کہ یہ مزاحمت جامع نوعیت کی ہونی چاہیے۔ یہ مکمل بائیکاٹ اور عوامی مزاحمت سے شروع ہو کر مسلح مزاحمت تک پہنچنا چاہیے۔حماس نے رواں سال 21 مئی کو اسرائیل کے ساتھ فائر بندی کے معاہدے پر دستخط کیے تھے۔ مصر کی سرپرستی میں ہونے والا یہ سمجھوتا غزہ کی پٹی پر اسرائیل کی 11روزہ شدید بم باری کے بعد طے پایا تھا۔ اس عرصے میں حماس اور اسلامی جہاد کی جانب سے اسرائیل پر راکٹ داغے جاتے رہے۔