انڈین پریمیئر لیگ میں پرسوں مزید ایک میچ کھیلا جائے گا

منگل 5 اکتوبر 2021 12:01

دبئی(اُردو پوائنٹ اخبارتازہ ترین - اے پی پی۔ 05 اکتوبر2021ء) انڈین پریمیئر لیگ میں پرسوں بدھ کو مزید ایک میچ کا فیصلہ ہوگا جس میں رائل چیلنجرز بنگلوراور سن رائزرز حیدرآباد کی ٹیمیں ابوظہبی کے مقام پر آمنے سامنے ہوں گی۔ آئی پی ایل کے دلچسپ مقابلوں کا سلسلہ یو اے ای میں جاری ہے۔ لیگ میں کل بدھ کو لیگ کے 52ویں میچ میں رائل چیلنجرز بنگلوراور سن رائزرز حیدرآباد کی ٹیمیں ابوظہبی کے مقام پر آمنے سامنے ہوں گی۔

(جاری ہے)

رائل چیلنجرز بنگلور کی قیادت ویرات کوہلی کریں گے جبکہ سن رائزرز حیدرآباد کی ٹیم کین ولیم سن کی زیر قیادت میدان میں اترے گی۔ رائل چیلنجرز بنگلور کی ٹیم 16 پوائنٹس کے ساتھ ٹیبل پر تیسرے نمبر پر ہے جبکہ سن رائزرز حیدرآباد کی کارکردگی غیر تسلی بخش ہے اور وہ 12کھیلے گئے میچز میں سے دو میں کامیابی کے بعد 4 پوائنٹس کے ساتھ سب سے نیچے آٹھوین نمبر پر ہے۔ واضح رہے کہ آئی پی ایل کا فائنل میچ 15اکتوبر کو انٹرنیشنل سٹیڈیم دبئی میں کھیلا جائے گا۔