پاکستانی ٹیم کی کوچنگ اسلئے نہیں کرتا کہ لوگوں کی بدتمیزی برداشت نہیں: وسیم اکرم

کرکٹ ٹیم کو سال میں کم از کم 200 سے 250 دن کوچنگ کی ضرورت ہوتی ہے،میرے لیے وقت نکالنا مشکل کیونکہ میں اپنے ملک،خاندان سے دور ہونا نہیں چاہتا: سابق کپتان

ذیشان مہتاب جمعرات 7 اکتوبر 2021 13:01

پاکستانی ٹیم کی کوچنگ اسلئے نہیں کرتا کہ لوگوں کی بدتمیزی برداشت نہیں: ..

لاہور (اردو پوائنٹ تازہ ترین اخبار ۔ 7 اکتوبر 2021ء ) پاکستان کرکٹ ٹیم کے سابق کپتان وسیم اکرم نے پاکستان کرکٹ ٹیم کی کوچنگ نہ کرنے کی وجہ بتا دی۔ قومی کرکٹ ٹیم کے سابق کپتان وسیم اکرم نے اپنے ایک انٹرویو میں کہا کہ وہ پاکستان کرکٹ ٹیم کی کوچنگ اس لیے نہیں کرنا چاہتے کہ لوگ سوشل میڈیا پر بدتمیزی کرتے ہیں جو ان سے برداشت نہیں ہوتی۔ ٹیم کی کوچنگ نہ کرنے کی مزید وجہ بتاتے ہوئے 55 سالہ لیجنڈری فاسٹ بائولر نے کہا کہ کرکٹ ٹیم کو سال میں کم از کم 200 سے 250 دن کوچنگ کی ضرورت ہوتی ہے جس کے لیے میرے لیے وقت نکالنا انتہائی مشکل ہے کیونکہ میں اب اپنے ملک اور خاندان سے دور ہونا نہیں چاہتا۔

وسیم اکرم نے کہا کہ کھیل کے میدان میں ٹیم کھیلتی ہے لیکن کوچ صرف کھلاڑیوں کی تربیت اور میچ سے قبل منصوبہ بندی میں ان کی مدد کرتا ہے۔

(جاری ہے)

سابق فاسٹ باؤلر نے اپنے انٹرویو کے دوران قومی ٹیم کے کھلاڑی شاہین آفریدی کی تعریف بھی کی اور کہا کہ ان کی باؤلنگ میں بہت تیزی سے بہتری آرہی ہے۔ انہوں نے کہا کہ شاہین آفریدی کو آرام کا جو مسئلہ ہے وہ ان سے پوچھنا چاہیے کہ کیا آپ کو آرام کرنا چاہیے یا نہیں کیونکہ ہم نے دنیا کی نقل نہیں کرنی کہ اگر آسٹریلیا کے کھلاڑی آرام کر رہے ہیں تو ہم نے بھی آرام کرنا ہے۔