پی ٹی آئی کی قیات ملک بھر میں 12 ربیع الاول بھرپور طریقے سے منائیں گی، ارباب غلام رحیم

کراچی (اُردو پوائنٹ اخبارتازہ ترین - این این آئی۔ 07 اکتوبر2021ء) سابق وزیر اعلی سندھ و معاون خصوصی برائے سیاسی امور سندھ ڈاکٹر ارباب غلام رحیم قائد حزب اختلاف سندھ حلیم عادل شیخ نے سندھ اسمبلی میں پریس کانفرنس سے خطاب کیا۔ ڈاکٹر ارباب غلام رحیم نے خطاب کرتے ہوئے کہا آج ہماری وزیراعظم عمران خان سے گورنر ہائوس کراچی میں وڈیو لنگ پر اہم میٹنگ ہوئی ہے۔

پی ٹی آئی کی قیات ملک بھر میں 12 ربیع الاول بھرپور طریقے سے منائیں گی۔ یکم ربیع الاول سے سندھ بھر میں جشن میلاد کے سلسلے میں مختلف تقریبات کا انعقاد کیا جائے گا ۔ جس میں ریاست مدینہ کے بنیادی اصولوں اور اسلامی اقتدار کو اجاگر کیا جائے گا۔ عمران خان دنیا کے بڑے عظیم لیڈر بن چکے ہیں۔ پاکستان جس مقصد کے لئے بنایا گیا تھا وزیر اعظم عمران خان ملک کو اسی طرف لے جارہے ہیں۔

(جاری ہے)

معاشرے میں برائی ہوگی تو اچھائی کو کوئی قبول نہیں کرے گا۔ اسلئے اسلامی تعلیمات کو عوام کرنے کی اشد ضروت ہے۔ ہم تمام علما و مشائغ کو ساتھ لیکر چلنا چاہتے ہیں۔ ربیع الاول کا مہینا پارٹی لیول پر بھرپور طریقے منایا جائے گا۔ ریاست مدینہ کے طرز پر پاکستان کو بنائیں گے۔ ارباب غلام رحیم نے مزید کہا ذوالفقار علی بھٹو مارشل لا کے ایڈمنسٹریٹرتھے۔

سول مارشل لا ایڈمنسٹریٹر کے عہدے پر برقرار رہنا چاہتے تھے۔ میں نے تھر میں سڑکیں بنائی ترقیاتی کام کروائے اب پیپلز پارٹی والے اپنے جھنڈے گاڑ رہے ہیں۔ پیپلز پارٹی والوں نے لاڑکانہ کو بھی تباہ کر دیا۔ وزیر اعظم کی طرف سے تھر کی پوری آبادی کو صحت کارڈ دیئے جاچکے ہیں۔ باقی اضلاع میں سندھ حکومت رکاوٹ بنی ہوئی ہے پیپلز پارٹی کی سندھ حکومت سندھ کی عوام کو صحت کارڈ دلوانا نہیں چاہتے۔

سندھ کی سندھ کی اسپتالوں کا بہت برا حال ہے۔ سندھ اسمبلی کی نئی بلڈنگ کا پروپوزل بھی میں نے دیا تھا باقی صوبوں کی طرح سندھ میں نئی بلنڈنگ بنوائی کی منظور میں نے دی تھی۔ لیکن میری تصویر بھی اس سندھ بلڈنگ سے ہٹوائی گئی ہے۔ قائد حزب اختلاف حلیم عادل شیخ نے پریس کانفرنس سے خطاب کرتے ہوئے کہا ڈاکٹر ارباب غلام جب وزیر اعلی سندھ رہے کبھی کسی کرپشن میں نام نہیں لیا۔

اتنی بڑی جگہ پر رہنے کے باوجود سی ایم ہائوس کا نام بدنام نہیں کیا۔ لیکن اس وقت سی ایم ہائوس کرپشن کا گڑھ بن چکا ہے۔ سندھ میں زرداری سسٹم، ٹپی سسٹم ، اومنی سسٹم ،یونس سسٹم چلا ، ادی سسٹم کے بعد اب نیا سسٹم چل رہا ہے جسے بلاول زرداری چلا رہے جلد اس کو بے نقاب کروں گا۔ دوسری جانب قائد حزب اختلاف سندھ اسمبلی حلیم عادل شیخ سابقہ وزیر اعلی سندھ و وزیر اعظم کے معان خصوصی ڈاکٹر ارباب غلام رحیم سے قومی کمیشن برائے وقار نسواں کی چیئرپرسن نیلوفر بختیار نے خصوصی ملاقات کی۔ ملاقات میں سندھ میں خواتین کو درپشین مسائل پر تبادلہ خیال کیا گیا جبکہ سندھ میں خواتین حقوق کے تحفظ اور انہیں مالی اور سیاسی طور پر بااختیار بنانے سے متعلق امور پر بات چیت کی گئی۔