اسلام آباد ہائیکورٹ نے وفاقی دارالحکومت سے تمام تجاوزات فوری ختم کرنے کا حکم دیدیا

پلاٹ لائن سے باہر جس نے بھی تجاوز کیا گرادیں، کچی آبادیوں میں بھی سرکاری زمینوں پر نئے قبضے روکے جائیں، چیف جسٹس

جمعہ 15 اکتوبر 2021 14:49

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2021ء) اسلام آباد ہائیکورٹ نے وفاقی دارالحکومت سے تمام تجاوزات فوری ختم کرنے کا حکم دیدیا ۔جمعہ کو چیف جسٹس اطہر من اللہ نے سی ڈی اے کو ہدایت کی کہ پلاٹ لائن سے باہر جس نے بھی تجاوز کیا گرادیں، کچی آبادیوں میں بھی سرکاری زمینوں پر نئے قبضے روکے جائیں۔

(جاری ہے)

عدالت نے کچی آبادیوں میں بنیادی سہولیات کی فراہمی کے لیے سی ڈی اے سے تفصیلی رپورٹ طلب کرلی ،سرکاری زمینوں پر قبضوں پر آپریشن سے روکنے کے سٹے آرڈرز کی بھی رپورٹ طلب کرلی گئی ۔

عدالت عالیہ نے نالوں پر قبضے کرکے تعمیرات کرنے والوں کے خلاف بھی کاروائی کا حکم دیا ،نالہ کورنگ کے کنارے تعمیرات کرکے قبضہ کرنے والوں کا حکم امتناع خارج کر دیا گیا ،چیف جسٹس اسلام آباد ہائیکورٹ اطہر من اللہ نے سی ڈی اے کو قانون کے مطابق بلا امتیاز کاروائی کا حکم دے دیا، کچی آبادی، سرکاری زمینوں پر قبضوں کے کیسز کی سماعت 2 ہفتے تک ملتوی کردی گئی