راولپنڈی، ڈینگی وائرس کا مریض انتقال کرگیا، 64نئے کیسز سامنے آگئے

پیر 18 اکتوبر 2021 14:32

اسلام آباد (اُردو پوائنٹ اخبارتازہ ترین - این این آئی۔ 18 اکتوبر2021ء) ملک بھر میں ڈینگی کے وار جاری ہیں، راولپنڈی میں ڈینگی کا زیر علاج مریض اسپتال میں انتقال کرگیا، گزشتہ چوبیس گھنٹوں کے دوران شہر میں 64 نئے کیس سامنے آگئے ہیں۔

(جاری ہے)

میڈیا رپورٹس کے مطابق اسلام آباد میں چوبیس گھنٹوں کے دوران تقریباً 150 افراد ڈینگی سے متاثر ہوئے ہیں۔خیبر پختونخوا میں بھی ڈینگی کے کیسز میں اضافہ ہورہا ہے، صرف خیبر ٹیچنگ ہسپتال میں 269 افراد کے ٹیسٹ مثبت آئے ہیں۔دوسری جانب پنجاب میں بھی ڈینگی مریضوں کی تعداد میں روز بروز اضافہ ہورہا ہے، چوبیس گھنٹوں کے دوران مزید ساڑھے چار سو سے زائد مریض سامنے آچکے ہیں۔