پی ڈی ایم سے دوری پر پی پی پی پچھتا رہی ہو گی، طلال چوہدری

کٹھ پتلیاں آتی ہیں تو مہنگائی ہوتی ہے، وہ اپنے مالک کو خوش کرتی ہیں، انٹرویو

بدھ 20 اکتوبر 2021 17:24

پی ڈی ایم سے دوری پر پی پی پی پچھتا رہی ہو گی، طلال چوہدری

اسلام آباد (اُردو پوائنٹ اخبارتازہ ترین - این این آئی۔ 20 اکتوبر2021ء) رہنما مسلم لیگ نون طلال چوہدری نے کہا ہے کہ پی ڈی ایم سے دور ہونے پر آج پاکستان پیپلز پارٹی پچھتا رہی ہو گی۔ایک انٹرویومیں انہوں نے کہا کہ مسلم لیگ نون نے لوگوں کو زبان دی ہے، نون لیگ لوگوں کی آواز بنی ہے، عمران خان کے ساتھ کھڑے لوگ بھاگ رہے ہیں۔

(جاری ہے)

طلال چوہدری نے کہا کٹھ پتلیاں آتی ہیں تو مہنگائی ہوتی ہے، وہ اپنے مالک کو خوش کرتی ہیں۔

انہوں نے کہا کہ احتساب کے نام پر پارٹیاں توڑی اور بنائی جاتی ہیں، زبان بند کرنے کے لیے پکڑ دھکڑ کی جاتی ہے۔رہنما مسلم لیگ نون طلال چوہدری نے کہا کہ مہنگائی الیکشن چوری کرنے کی وجہ سے ہوتی ہے، ووٹ کو عزت دی جاتی تو مہنگائی نہیں ہوتی، حکمرانوں کو پتہ ہوتا کہ ووٹ سے آئے ہیں تو لوگوں کیلئے آسانیاں پیدا کی جاتیں۔