اوکاڑہ: گیارہ سال سے بندریلوے پھاٹک کھلنے پرعوام کا پی ٹی آئی حکومت کو زبردست خراج تحسین

بدھ 20 اکتوبر 2021 23:52

اوکاڑہ ۔(اُردو پوائنٹ اخبارتازہ ترین - آن لائن۔ 20 اکتوبر2021ء) گیارہ سال سے بندریلوے پھاٹک کھلنے پرعوام کا پی ٹی آئی حکومت کو زبردست خراج تحسین۔

(جاری ہے)

تفصیلات کے مطابق اوکاڑہ کے عوام کا کچہری ریلوے پھاٹک جوکہ تقریباً گیارہ سال سے بند تھا کو پی ٹی آئی حکومت کے دور میں عید میلادالنبی ﷺ کے دن اوکاڑہ پی ٹی آئی کے رہنماؤں سابق صوبائی وزیرمحمداشرف خان سوہنا اور سابق وفاقی وزیر راؤ سکندر اقبال مرحوم کے صاحبزادے راؤ حسن سکندر کی کاوشوں سے منسٹر ریلوے اعظم خان سواتی کے احکامات پر کھول دیا گیا۔

اس موقع پر جہاز چوک میں عید میلادالنبی ﷺ کے سلسلہ میں محفل اور برسوں سے بند ریلوئے پھاٹک کھلوانے کی تقریب میں پی ٹی آئی کے رہنماؤں اور سیاسی اکابرین، صحافیوں علماء کرام نے بھی شرکت کی۔ریلوے پھاٹک کے کھلتے ہی عوام نے پی ٹی آئی حکومت کے حق میں نعرہ بازی کرتے ہوئے زبردست خراج تحسین پیش کیا