پاکستان غیر متوقع نتائج دینے والی ٹیم ہے، اقبال قاسم

جمعہ 22 اکتوبر 2021 20:17

اسلام آباد (اُردو پوائنٹ اخبارتازہ ترین - آن لائن۔ 22 اکتوبر2021ء) قومی کرکٹ ٹیم کے سابق ٹیسٹ پلیئر اقبال قاسم کا کہنا ہے کہ پاکستان غیر متوقع نتائج دینے والی ٹیم ہے، پاک بھارت میچ سے پہلے پیشن گوئی کرنا آسان نہیں ہے۔

(جاری ہے)

سابق ٹیسٹ کرکٹر اقبال قاسم نے اپنے بیان میں کہا کہ پی سی بی کی تبدیلی پر تبدیلی کی پالیسی سے نقصان ٹیم کا ہو رہا ہے، پہلے کیوں نہیں سوچا کہ مصباح الحق اور وقار یونس کے جانے کے بعد کیا ہوگا۔

اقبال قاسم کا کہنا تھا کہ جنہوں نے ورلڈ کپ کے لئے ٹیم بنائی وہی ٹیم کے ساتھ نہیں ہیں، شکر ہے شعیب اور حفیظ ٹیم میں ہیں، بڑے میچ کا دباو? برداشت کرنے والے یہ دونوں ہی ہیں۔ان کا مزید کہنا تھا کہ بھارت نے بابر اعظم اور رضوان کو ٹارگٹ کر رکھا ہے، سوال یہ ہے کہ ہمیں کسے ٹارگٹ کرنا ہے۔اقبال قاسم نے کہا کہ بھارت کی پوری ٹیم اچھا کھیلتی ہے۔