پاکستان کی فتح، شاہد آفریدی کا انوکھے طریقے سے جذبات کا اظہار

وہی ٹیم پاکستان، وہی انداز جشن لیکن نتیجہ بالکل نیا، کھلاڑیوں بہت خوب: سابق کپتان کا ٹویٹ

ذیشان مہتاب پیر 25 اکتوبر 2021 01:01

پاکستان کی فتح، شاہد آفریدی کا انوکھے طریقے سے جذبات کا اظہار

لاہور (اردو پوائنٹ تازہ ترین اخبار ۔ 24 اکتوبر 2021ء ) پاکستان کرکٹ ٹیم کے سابق کپتان اور مایہ ناز آل راؤنڈ شاہد خان آفریدی نے بھارت کے خلاف شاندار فتح پر قومی ٹیم کے کھلاڑیوں کو خوب سراہا۔ سماجی رابطے کی ویب سائٹ پر جاری بیان میں شاہد آفریدی نے انٹرنیشنل کرکٹ کونسل( آئی سی سی ) کے پیغام کو شیئر کیا۔ آئی سی سی نے اپنے ٹوئٹ میں شاہین شاہ آفریدی اور شاہد خان آفریدی کی ایک تصویر شیئر کی۔

(جاری ہے)

آئی سی سی نے تصویر کے ساتھ اپنے پیغام میں لکھا کہ نام وہی، نمبر بھی وہی لیکن دور نیا ہے۔ اس پیغام پر اپنے ردعمل میں شاہد آفریدی نےدل کے ایموجی کے ساتھ لکھا کہ ’وہی ٹیم ( پاکستان)، وہی انداز جشن لیکن نتیجہ بالکل نیا، کھلاڑیوں بہت خوب ہے‘۔