Live Updates

پی ڈی ایم کے زیر اہتمام 17نومبر دوپہر 12بجے ایوب اسٹیڈیم سے مہنگائی کیخلاف مارچ منعقد ہوگا،پاکستان ڈیموکریٹک موومنٹ

پیر 15 نومبر 2021 22:45

کوئٹہ(اُردو پوائنٹ اخبارتازہ ترین - این این آئی۔ 15 نومبر2021ء) پاکستان ڈیموکریٹک موومنٹ کے جاری کردہ صوبائی بیان میں کہا گیا ہے کہ پی ڈی ایم کے زیر اہتمام کل بروز 17نومبر دوپہر 12بجے ایوب اسٹیڈیم سے مہنگائی کیخلاف مارچ منعقد ہوگا۔

(جاری ہے)

جس کی قیادت پی ڈی ایم کے سربراہ جمعیت علماء اسلام کے امیرمولانا فضل الرحمن ، پی ڈی ایم کے مرکزی نائب صدر پشتونخوامیپ کے چیئرمین محمود خان اچکزئی ، مسلم لیگ ن کے صدر قومی اسمبلی میں اپوزیشن لیڈر محمد شہباز شریف ، بی این پی کے سربراہ سردار اختر جان مینگل، نیشنل پارٹی کے سربراہ ڈاکٹر عبدالمالک بلوچ، مرکزی جمعیت اہلحدیث کے سربراہ علامہ پروفیسر سنیٹر ساجد میر ، قومی وطن پارٹی کے سربراہ آفتاب احمد خان شیر پائو، جمعیت علماء پاکستان کے سربراہ علامہ اویس احمد نورانی کرینگے۔

مارچ کوئٹہ شہرکے مختلف شاہراہوں پر گشت کرتے ہوئے ہاکی گرائونڈ چوک پر اختتام پذیر ہوگا اورمارچ سے قائدین خطاب بھی فرمائینگے۔ بیان میں تمام عوام سے پرزور اپیل کی گئی ہے کہ وہ مہنگائی کے خلاف مارچ میں بھرپور شرکت کریں۔
Live وزیراعظم شہباز شریف سے متعلق تازہ ترین معلومات