صدر کوآپریٹو مارکیٹ میں آتشزدگی نے متاثر تاجروں کا کاروبار ختم کردیا ،(ق) لیگ

سندھ حکومت دکانداروں کی مشکلات کا ازالہ اور انکے ساتھ مکمل مدد و تعاون کرے ،بیان

منگل 16 نومبر 2021 23:48

کراچی (اُردو پوائنٹ اخبارتازہ ترین - آن لائن۔ 16 نومبر2021ء) پاکستان مسلم لیگ (ق) سندھ کے صدر محمد طارق حسن. جنرل سیکرٹیری کنور ارشد علی خان اورانفارمیشن سیکرٹیری محمد صادق شیخ نے مشترکہ بیان میں کہا ہے کہ صدر کوآپریٹو مارکیٹ میں آتشزدگی نے متاثر تاجروں کا کاروبار ختم کردیا انہوں نے کہا کہ اگر آگ پر قابو پانے کیلئے فوری فوم کا استعمال اور فائر بریگیڈ بروقت آگ بجھانے کے اقدام کرتی اور اپنی ذمہ داری ادا کرتی تو خوفناک آتشزدگی نہ ہوتی اس غفلت و لاپروائی کا جواب کون دیگا ان رہنماؤں نے کہا حکومت سندھ اپنی ذمہ داریوں کا تعین کرئے اس طرح کے حادثے ماضی میں بھی ہوتے رہے ہیں لیکن کوئی مربوط و موثر اقدامات نہیں کئے گئے کہ آئندہ ایسے حادثات نہ ہو ضرورت اس امر کی ہے فوری طور پر کوآپریٹیو مارکیٹ کے دکانداروں کی مشکلات کا ازالہ کیا اور انکے ساتھ مکمل مدد و تعاون کیاجائے تاکہ وہ اپنا کاروبار شروع کرسکیں کیونکہ ان پر یہ بہت مشکل وقت ہے وہ اپنی دکان اور کاروبار سے محروم ہیں۔