متحدہ عرب امارات کے قومی دن کی خوشی میں مفت آئس کریم کے مزے اڑائیں

کار فور Carrefour نے اپنے آئس کریم ٹرکوں سے شارجہ ، دبئی ، ابوظہبی اور عجمان کے آس پاس کے علاقوں میں 2 سے 4 دسمبر تک مفت آئس کریم پیش کرے گا

Sajid Ali ساجد علی جمعہ 26 نومبر 2021 17:10

متحدہ عرب امارات کے قومی دن کی خوشی میں مفت آئس کریم کے مزے اڑائیں
ابو ظہبی ( اُردو پوائنٹ اخبارتازہ ترین ۔ 26 نومبر 2021ء ) متحدہ عرب امارات کے قومی دن کی خوشی میں مفت آئس کریم کے مزے اڑائیں ۔ اماراتی میڈیا کے مطابق متحدہ عرب امارات کی گولڈن جوبلی اس سال بڑے پیمانے پر منائی جارہی ہے ، اس حوالے سے ہونے والی تقریبات میں سرکاری شعبے کے ساتھ نجی شعبے کی متعدد کمپنیاں بھی شامل ہو رہی ہیں ، اسی ضمن میں کار فور Carrefour نے کہا کہ وہ اپنے آئس کریم ٹرکوں سے شارجہ، دبئی، ابوظہبی اور عجمان کے آس پاس کے علاقوں میں 2 سے 4 دسمبر تک مفت آئس کریم پیش کرے گا ، آئس کریم کے ذائقوں میں متحدہ عرب امارات کے پرچم کے رنگوں کے نمائندہ مزیدار ذائقوں میں ونیلا، اسٹرابیری، چاکلیٹ اور پستہ شامل ہوں گے۔

بتایا گیا ہے کہ معروف اسٹور کے اماراتی ملازمین نے رضاکارانہ طور پر رہائشیوں اور سیاحوں کو مفت آئس کریم دینے کے لیے پیشکش کی ہے ، اس کے علاوہ کارفور 5,000 سے زیادہ صارفین کو قومی دن کے موقع پر کئی رعایتی اشیاء فراہم کر رہا ہے جس کے لیے 2.5 درہم مختص کیے گئے ہیں ، اسی طرح ہر روز 500 کارفور صارفین 500 درہم جیتیں گے، 2 دسمبر کو 50,000 درہم جیتنے کے لیے 5 صارفین کو قرعہ اندازی سے منتخب کیا جائے گا جب کہ 500 ایسی مصنوعات بھی فروخت پر ہوں گی جن میں کھانے پینے کی اشیاء، مقامی اشیاء سمیت اہم زمروں پر 50 فیصد تک رعایت ہوگی ، ان اشیاء میں تازہ پیداوار ، الیکٹرانکس ، گھریلو اور باورچی خانے کے آلات اور بہت کچھ شامل ہے۔

(جاری ہے)

ماجد الفطیم ریٹیل میں Carrefour UAE کے چیف آپریٹنگ آفیسر برنارڈو پرلوئیرو نے کہا ہے کہ ہمیں متحدہ عرب امارات کے ماضی اور مستقبل کا حصہ بننے پر فخر ہے ، اگلے 50 سالوں میں اور اس سے آگے ، ہمارا مقصد ہے کہ حکومت کے وژن 2071 کے مطابق ہماری خوردہ پیشکش کو نئی ٹیکنالوجیز کو تلاش کرکے، مقامی معیشت کو فروغ دے کر اور 2040 تک خالص مثبت بننے کے اپنے پائیدار ہدف کو حاصل کرنا ہے۔

انہوں نے کہا کہ ماجد الفطیم کے اگلے 5 سالوں میں 3,000 اماراتی ملازمین کی خدمات حاصل کرنے کے عزم کے ایک حصے کے طور پر ہم بھی کارفور میں مزید اماراتی ٹیلنٹ کو بھرتی کرنے کے لیے وقف ہیں ، ہم ہمیشہ اپنے لوگوں کو اولیت دیتے ہیں، یہی وجہ ہے کہ ہم اپنے آس پاس کی کمیونٹیز میں مثبت اور قومی فخر کے پیغام کو 2.5 ملین درہم انعامات کے ساتھ پھیلا رہے ہیں۔