کوئٹہ سے کراچی جانے والی واحد ٹرین بولان میل کو یکم دسمبر سے بحال کردیا جائیگا

ہفتہ 27 نومبر 2021 23:57

کوئٹہ(اُردو پوائنٹ اخبارتازہ ترین - این این آئی۔ 27 نومبر2021ء) کوئٹہ سے کراچی جانے والی واحد ٹرین بولان میل کو یکم دسمبر سے بحال کردیا جائیگا، محکمہ ریلوے کے جاری کردہ ایک اعلامیے کے مطابق کوئٹہ سے کراچی جانے والی ٹرین بولان میل یکم دسمبر سے دوبارہ شروع کی جائیگی ٹرین کوئٹہ سے دادو، جیکب آباد کے راستے کراچی پہنچے گی جبکہ اس میں اکنامی کلاس کی پانچ، اسٹینڈرڈ اے سی ، پاور پلانٹ، بریک وین کی ایک ایک بوگی شامل ہوگی ٹرین کو فعال کرنے کے لئے عملے اور انجن کا انتظام کر نے کی ہدایات بھی جاری کردی گئیں ۔

(جاری ہے)

واضح رہے کہ کورونا وائرس کے پھیلائو کے باعث ریلوے کی جانب سے بولان میل کو بند کردیا گیا تھا