اومی کرون، برطانیہ کا کورونا کی پابندیاں دوبارہ لگانے کا فیصلہ

منگل سے پبلک ٹرانسپورٹ اور دکانوں میں ماسک پہننا لازمی ہوگا، پبس اور ریسٹورنٹس کو ماسک کی شرط سے مستثنی قرار عوام کرسمس پروگرام معمول کے مطابق ترتیب دیں، نئے قواعد پر تین ہفتوں بعد نظرثانی کی جائے گی، برطانوی وزیر صحت

اتوار 28 نومبر 2021 21:20

․ لندن (اُردو پوائنٹ اخبارتازہ ترین - این این آئی۔ 28 نومبر2021ء) کورونا وائرس کی نئی قسم اومی کرون کے خطرات کے پیشِ نظر برطانیہ نے منگل سے کورونا کی پابندیاں دوبارہ لگانے کا فیصلہ کیا ہے۔غیر ملکی میڈیا کے مطابق دکانوں، پبلک ٹرانسپورٹ میں ماسک لگانے کی پابندی ہوگی، برطانیہ آنے والے تمام مسافروں کو کورونا وائرس کا پی سی آر ٹیسٹ کروانا ہوگا۔

رپورٹ کے مطابق برطانیہ آنے والے تمام افراد کو منفی کورونا وائرس رجسٹر ہونے تک تنہائی میں رہنا ہوگا۔

(جاری ہے)

کورونا وائرس کی نئی قسم کے باعث برطانیہ 10 افریقی ممالک پر سفری پابندیاں لگا چکا ہے۔برطانوی سیکرٹری صحت ساجد جاوید کا کہنا ہے کہ منگل سے پبلک ٹرانسپورٹ اور دکانوں میں ماسک پہننا لازمی ہوگا، پبس اور ریسٹورنٹس کو ماسک کی شرط سے مستثنی قرار دیا گیا ہے۔ساجد جاوید نے کہا کہ عوام کرسمس پروگرام معمول کے مطابق ترتیب دیں، نئے قواعد پر تین ہفتوں بعد نظرثانی کی جائے گی۔میڈیا رپورٹ کے مطابق نومبر کے آغاز کے بعد ملک بھر میں کورونا کی شرح میں اضافہ ہوا ہے، ہفتہ کے روز بھی کورونا کے 39567 کیسز سامنے آئے تھے