اسلام آباد ،گاڑی کے سی این جی سلنڈر میں مہارت سے چھپائی گئی 33 کلو گرام سے زائد منشیات برآمد ، تین ملزمان گرفتار

پیر 29 نومبر 2021 13:30

اسلام آباد (اُردو پوائنٹ اخبارتازہ ترین - این این آئی۔ 29 نومبر2021ء) اینٹی نارکوٹکس فورس نے موٹر وے ٹول پلازہ اسلام آباد کے قریب انٹیلی جنس کی بنیاد پر چھاپہ مارکر گاڑی کے سی این جی سلنڈر میں مہارت سے چھپائی گئی 33 کلو گرام سے زائد منشیات برآمد کرکے دو خواتین سمیت تین ملزمان کو گرفتار کرلیا۔

(جاری ہے)

حکام کے مطابق اے این ایف نے موٹر وے ٹول پلازہ اسلام آباد کے قریب پشاور سے آنے والی گاڑی جس کی نمبر پلیٹ پر این ایچ اے کندہ تھا۔

کار کو انٹیلی جنس اطلاع پر روک کرچیک کیا تو گاڑی میں نصب سی این جی سلینڈر سے مجموعی طور پر 33 کلوگرام سے زائد منشیات جس میں 24 کلوگرام چرس، 9 کلوگرام افیون اور 200 گرام آئس شامل ہے برآمد ہوئی۔حکا نے بتایا کہ تین ملزمان جن میں پشاور و چارسدہ سے تعلق رکھنے والی دو خواتین اور ایک مرد شامل ہیں۔ ان کو گرفتار کر لیا گیا، ملزمان کے خلاف مقدمہ درج کر لیا گیا ہے، مزید تفتیش کے دوران انکشافات کی توقع ہے۔