فیفا عرب کپ کے دوران سیمی آٹومیٹڈ آف سائیڈ ٹیکنالوجی آزمائے گا

مسقط (اردو پوائنٹ تازہ ترین اخبار ۔ یکم دسمبر 2021ء ) فیفا نے قطر میں کھیلے جانے والے عرب کپ 2021ء میں مصنوعی ذہانت سے کھلاڑیوں کی آف سائیڈ پوزیشن دیکھنے کا فیصلہ کرلیا۔ غیر ملکی میڈیا کے مطابق خلیجی ریاست قطر میں آج سے عرب کپ 2021ء کا آغاز ہورہا ہے جس میں فیفا کی جانب سے سیمی آٹومیٹڈ آف سائیڈ ٹیکنالوجی آزمائی جائے گی جو کھلاڑیوں کی ٹانگوں کی آف سائیڈ پوزیشن کی اطلاع ویڈیو اسسٹنٹ ریفری کو بھیجے گی۔

(جاری ہے)

عرب کپ میں شامل تمام چھ کے چھ سٹیڈیمز میں چھت کے نیچے کیمرے لگائے گئے ہیں جو ہر کھلاڑی کے جسم پر 29 ڈیٹا پوائنٹس سے 50 بار فی سیکنڈ ڈیٹا جمع کرتے ہیں، جو کھلاڑی کے پیروں کے پوروں سے لے کر ان کے بازو اور ان کے سر تک پھیلے ہوئے ہیں۔ فیفا حکام کے اس اقدام کا مقصد آئندہ ہونے والے لیگ میچز اور فیفا ورلڈکپ میں سیمی آٹومیٹڈ ٹیکنالوجی نصب کرے گا۔