ثانیہ مرزا کو مکسڈ ڈبلز میں پارٹنر بننے کی آفر کی ہے: اعصام الحق

بھارتی ٹینس سٹار اگر مکسڈ ڈبلز کیٹگری میں کھیلنے پر تیار ہوجاتی ہیں تو انہیں ویلکم کہوں گا: پاکستانی ٹینس آئیکون

Zeeshan Mehtab ذیشان مہتاب جمعرات 2 دسمبر 2021 13:13

ثانیہ مرزا کو مکسڈ ڈبلز میں پارٹنر بننے کی آفر کی ہے: اعصام الحق
لاہور (اردو پوائنٹ تازہ ترین اخبار ۔ 2 دسمبر 2021ء ) ٹینس سٹار اعصام الحق نے ثانیہ مرزا کو اگلے سال مکسڈ ڈبلز میں پارٹنر بننے کی آفر کردی۔ لاہور جم خانہ میں جاری حسن طارق رحیم نیشنل رینکنگ ٹینس چیمپئن شپ کے موقع پر نجی ٹی وی سے بات کرتے ہوئے 41 سالہ اعصام الحق کا کہنا تھا کہ ثانیہ مرزا کی خواہش پر ان کے ساتھ لاہور میں سپورٹس بورڈ پنجاب کے کورٹ پر اکٹھے ٹریننگ کی، وہ بہت اچھی کھلاڑی ہیں، ان کے ساتھ بیرون ملک بھی ملاقات ہوتی رہتی ہے، اس سال انہوں نے زیادہ ٹینس نہیں کھیلی تاہم اگلے سال وہ زیادہ سے زیادہ انٹرنیشنل ایونٹس میں شرکت کی خواہش مند ہیں۔

(جاری ہے)

اعصام الحق نے بتایا کہ انہوں نے ثانیہ سے کہا ہے کہ ہم دونوں مسکڈ ڈبلز مقابلوں میں ایک جوڑی بن کر حصہ لے سکتے ہیں، وہ اگر مکسڈ ڈبلز کیٹگری میں کھیلنے پر تیار ہوجاتی ہیں تو انہیں ویل کم کہوں گا۔ اعصام الحق کا کہنا تھا کہ پاکستانی نوجوان کھلاڑیوں میں ٹیلنٹ ہے لیکن انہیں اعصام الحق اور عقیل خان بننے کے لیے بہت محنت اور انٹرنیشنل میچز کی ضرورت ہے۔                                                                                                                                                                                                 

متعلقہ عنوان :