وزیراعظم آزادکشمیر سردار عبدالقیوم نیازی عوامی مسائل حل کرنے کے لیے ہمہ وقت کوشاں رہتے ہیں ‘محسن علی اعوان

اتوار 5 دسمبر 2021 14:10

مظفرآباد (اُردو پوائنٹ اخبارتازہ ترین - این این آئی۔ 05 دسمبر2021ء) ڈائریکٹر جنرل سیاسی امور ہمراہ وزیراعظم آزادکشمیر محسن علی اعوان نے کہا ہے کہ وزیراعظم آزادکشمیر سردار عبدالقیوم نیازی عوامی مسائل حل کرنے کے لیے ہمہ وقت کوشاں رہتے ہیں اور آزادکشمیر کی ہر گلی، محلے اور وارڈ سے لے کر ٹاؤن کمیٹی تک مسائل کا بخوبی علم رکھتے ہیں۔بلدیاتی الیکشن کا انعقاد اس امید کے ساتھ کیا جا رہا ہے کہ لوگوں کے دیر پا مسائل جو مقامی نمائندگی میسر نہ آنے کی وجہ سے التواء میں چلے گئے ہیں ان کو حل کیا جائے۔

وزیراعظم پاکستان عمران خان کی قیادت میں اور ان کے ویژن کے مطابق آزادکشمیر میں جلد از جلد بلدیاتی انتخابات کا انعقاد ہر قیمت ممکن بنایا جائے گا تاکہ لوگوں کو مقامی نمائندگی میسر آ سکے اور ان کے مسائل حل ہوں۔

(جاری ہے)

پنجاب اور خیبرپختونخواہ کے بلدیاتی ہمارے سامنے زندہ مثال ہے کہ کیسے عوام کو ان کی دہلیز پر حق حکمرانی دیا گیا۔انھوں نے کہا وزیراعظم آزادکشمیر سردار عبدالقیوم نیازی کی قیادت میں صاف وشفاف بلدیاتی انتخابات کا انعقاد ممکن بنا کر آزادکشمیر میں لوگوں کو حق حکمرانی ان کی دہلیز پر فراہم کریں گے۔

تحریک انصاف خواتین اور نوجوانوں کو ترجیح بنیادوں پر بلدیاتی الیکشن میں ٹکٹ جاری کرے گی تاکہ کرپشن سے پاک بلدیاتی قیادت میدان عمل میں لا کر آزاد خطہ کی تقدیر بدلی جا سکے۔