کراچی کو دوبارہ دارالحکومت بنا دینا چاہئے، خرم شیر زمان

سندھ میں کم سے کم 6 ماہ کے لیے گورنر راج لگایا جائے،رہنما پی ٹی آئی کی چیئرمین آباد سے گفتگو

پیر 6 دسمبر 2021 16:05

کراچی کو دوبارہ دارالحکومت بنا دینا چاہئے، خرم شیر زمان

کراچی (اُردو پوائنٹ اخبارتازہ ترین - این این آئی۔ 06 دسمبر2021ء) صدر پاکستان تحریک انصاف(پی ٹی آئی)کراچی خرم شیر زمان نے کہا ہے کہ کراچی کو دوبارہ دارالحکومت بنادینا چاہیے، سندھ کے حالات بد سے بدتر ہوتے جارہے ہیں۔صدر پی ٹی آئی کراچی خرم شیر زمان نے چیئرمین آباد محسن شیخانی سے ملاقات کی۔اس موقع پر انہوں نے کہا کہ سندھ میں کم سے کم 6 ماہ کے لیے گورنر راج لگایا جائے، ان 6 ماہ میں صوبے کی سمت درست کی جائے۔

(جاری ہے)

خرم شیر زمان نے کہا کہ خیبرپختونخوا اور پنجاب اس وقت پاکستان میں سب سے آگے ہیں، پاکستان تحریک انصاف آباد کے ساتھ کھڑی ہے۔انہوں نے کہا کہ بلڈنگ کنٹرول 18 ترمیم کے بعد صوبائی معاملہ ہے،کراچی کے اندر الگ قانون ہے شہر سے تھوڑا آگے نکلیں تو الگ قانون ہے، سندھ اور قومی اسمبلی میں سندھ حکومت کے خلاف آواز اٹھائیں گے۔انہوںنے کہا کہ سندھ حکومت شہری حکومت کے نام پر کالا قانون لارہی ہے، بل سے شہری حکومت کو بااختیارنہیں بیاختیار بنایاجارہاہے۔