عرفان مہر کے قتل کیس سے متعلق اہم پیش رفت ہوئی ہے، تفتیشی ٹیم

ْ قتل کا مقصد فی الوقت نہیں بتا سکتے، تفتیش انتہائی حساس ہے اس لیے شیئر نہیں کرسکتے،حکام

پیر 6 دسمبر 2021 16:17

کراچی (اُردو پوائنٹ اخبارتازہ ترین - این این آئی۔ 06 دسمبر2021ء) سیکرٹری سندھ بار کونسل کے قتل کے حوالے سے ایڈیشنل آئی جی کراچی اور تفتیشی ٹیم نے اب تک کی تحقیقات سے عدالت کو آگاہ کرتے ہوئے کہا ہے کہ عرفان مہر کے قتل کیس سے متعلق اہم پیش رفت ہوئی ہے۔

(جاری ہے)

تفتیشی ٹیم نے میڈیا سے گفتگو کرتے ہوئے کہا کہ قتل کا مقصد فی الوقت نہیں بتا سکتے، تفتیش انتہائی حساس ہے اس لیے شیئر نہیں کرسکتے۔

تفتیشی ٹیم کا کہنا تھا کہ چیف جسٹس سندھ ہائیکورٹ پولیس کی تفتیش سے سوفیصد مطمئن ہیں۔خیا ل رہے کہ چیف جسٹس سندھ ہائیکورٹ نے عرفان مہر قتل کیس کا نوٹس لیا تھا۔یکم دسمبر کو کراچی کے علاقے گلستان جوہر میں بچی کو اسکول چھوڑنے جانے والے سیکریٹری سندھ بار کونسل کو کار پر فائرنگ کر کے قتل کیا گیا تھا۔