ڈی ڈبلیو 
اسلام آباد (اُردو پوائنٹ ۔ DW اردو۔ 06 دسمبر 2021ء) جانوروں کے حقوق کے لیے کام کرنے والے رضاکاروں کو ایک 81 سالہ بوڑھے شخص کی بھانجی نے اس وقت مطلع کیا، جب وہ اتوار کو اس کے گھر میں داخل ہوئی۔ اتوار کے روز بوڑھے شخص کو شہر نیس کے ایک ہسپتال لے جایا گیا، جس کے بعد یہ رشتہ دار لڑکی ریٹائرڈ شخص کے گھر گئی تھی۔
یہ لڑکی گھر میں داخل ہوئی تو زیادہ تر جانور ہلاک ہو چکے تھے۔
دیگر جانوروں کی باقیات بھی
جانوروں کے حقوق کے لیے کام کرنے والے رضاکاروں کو گھر کے اندر اور اردگرد پائی جانے والی مردہ بلیوں کے ساتھ ساتھ گلہریوں اور چوہوں کی باقیات جبکہ کتے کے جبڑے بھی ملے ہیں۔
(جاری ہے)
گھر کے اندر سے 20 سے زائد ایسی بلیاں بھی ملی ہیں، جو شدید غذائی قلت کا شکار تھیں۔
ایک کمرے کے صوفے پر ایک بلی کی کٹی پھٹی باقیات بھی ملی ہیں، جس کے کچھ اعضاء کو شاید دوسری بلیوں نےکھا لیا تھا۔ فیلپے دیجاکگل کے مطابق شاید یہ بوڑھا شخص نوحا سینڈروم میں مبتلا تھا۔ اس سینڈروم میں مبتلا افراد تنہائی کی وجہ سے بڑی تعداد میں جانور رکھ لیتے ہیں لیکن ان کی دیکھ بھال یا ضروریات پوری کرنے کے قابل نہیں ہوتے۔
نوحا سینڈروم ڈائیوجینس سینڈروم کا ہی ایک حصہ ہے، جو لوگوں کو اشیاء ذخیرہ کرنے کی عادت ڈالتا ہے۔
حکام نے جانوروں کے ساتھ نامناسب سلوک کرنے کی وجہ سے اس عمر رسیدہ شخص کے خلاف مجرمانہ نوعیت کا مقدمہ درج کرنے کا عندیہ دیا ہے۔
ا ا / ع ب ( اے ایف پی)
