پاکستان-بیلجیم اور پاکستان-یورپی یونین شراکت داری کو مزید مستحکم بنانے کی ضرورت ہے،وزیر خارجہ مخدوم شاہ محمود قریشی کی بیلجیم اور یورپی پارلیمنٹ کے ارکان کے وفد سے ملاقات میں گفتگو
بدھ 8 دسمبر 2021 15:41
(جاری ہے)
وزیر خارجہ نے اراکین پارلیمنٹ کو یورپی یونین اور اس کے تمام رکن ممالک کے ساتھ پاکستان کے خوشگوار اور دوستانہ تعلقات کے بارے میں آگاہ کرتے ہوئے کہا کہ پاکستان اور یورپی یونین نے جون 2019 میں اسٹریٹجک انگیجمنٹ پلان (ایس ای پی ) پر دستخط کیے،جس کے نتیجے میں دوطرفہ تعاون کو مزید مستحکم بنانے میں مدد ملی، پاکستان اور یورپی یونین کے درمیان ایسے میکانزم اور "ڈائیلاگ فریم ورک" موجود ہیں جن کے ذریعے باہمی دلچسپی کے تمام امور پر تفصیلی تبادلہ خیال کیا جاتا ہے۔
شاہ محمود قریشی نے کہا کہ سرمایہ کاری، تجارتی و اقتصادی تعاون، یورپی یونین اور بیلجیم کے ساتھ پاکستان کے کثیر الجہتی تعلقات کا ایک اہم جز ہے ۔جی ایس پی پلس مشترکہ طور پر ایسا منفعت بخش اقدام رہا ہے جس نے پاکستان اور یورپی یونین کی باہمی تجارت کو بڑھانے میں اہم کردار ادا کیا ہے۔ پاکستان جی ایس پی پلس سے متعلق اقوام متحدہ کے 27 کنونشنز پر مکمل عملدرآمد کے لیے پرعزم ہے۔انہوں نے کہا کہ دو طرفہ تعاون کے نئے مواقع کی فراہمی میں پارلیمان کے موثر کردار کا تذکرہ کرتے ہوئے، وزیر خارجہ نے پاکستان-بیلجیم اور پاکستان-یورپی یونین شراکت داری کو مزید مستحکم بنانے کی ضرورت پر زور دیا۔وزیر خارجہ نے اراکین وفد کو 15 اگست کے بعد افغانستان سے غیر ملکی باشندوں ، سفارت کاروں، بین الاقوامی اداروں کے عملے اور میڈیا نمائندگان کے محفوظ انخلا میں پاکستان کے کلیدی کردار کے بارے میں آگاہ کیا اور کہا کہ قریبی ہمسایہ ہونے کے ناطے پاکستان افغانستان میں معیشت کی بحالی اور دیرپا امن و استحکام کا متمنی ہے، مخدوم شاہ محمود قریشی نے کہا کہ افغانستان کو انسانی بحران سے نکالنے ، مہاجرین کی نئی یلغار کو روکنے ، افغانستان کو ایک بار پھر دہشت گردوں کی محفوظ پناہ گاہ بننے سے بچانے اور افغان مہاجرین کی عزت اور وقار کے ساتھ اپنے وطن واپسی کی راہ ہموار کرنے کے لیے، بین الاقوامی تعاون بہت ضروری ہے۔پاکستان، عالمی برادری کی توجہ افغانستان کی مخدوش اقتصادی صورتحال اور تیزی سے ابھرتے ہوئے انسانی بحران کی جانب مبذول کروانے کیلئے،19 دسمبر کو او آئی سی کی وزرائے خارجہ کونسل کے غیر معمولی اجلاس کی میزبانی کر رہا ہے۔وزیر خارجہ نے یورپی پارلیمنٹرینز کو مقبوضہ جموں و کشمیر میں بھارتی قابض افواج کی جانب سے جاری، انسانی حقوق کی سنگین پامالیوں سے آگاہ کیا۔وزیر خارجہ سے ملاقات کیلئے آئے ہوئے بیلجیم کے اراکین پارلیمنٹ و ممبران یورپی پارلیمنٹ نے پاکستان کے بیلجیم اور یورپی یونین کے ساتھ تعلقات بڑھانے کے عزم اور علاقائی صورتحال سے آگاہ کرنے پر وزیر خارجہ کا شکریہ ادا کیا۔وفد نے افغانستان سے غیر ملکی باشندوں کے محفوظ انخلا ، افغان عوام کو انسانی امداد کی فراہمی کے لیے بین الاقوامی کوششوں کے ضمن میں پاکستان کے متحرک اور مثبت کردار کو سراہا اور پاکستان اور بیلجیم کے درمیان پارلیمانی روابط کو بڑھانے پر اتفاق کیا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.