ْمذاکرات سے راہ فرار ،ْہم شاہراہ فیصل پر بھی دھرنا دے سکتے ہیں ،ْ حافظ نعیم الرحمن کا عندیہ
سعید غنی بھول گئے کہ ایوب خان کو ڈیڈی کون کہتا تھا،ْکراچی کو حق ملے گا یہاں کے ہرشہری کے مسائل حل ہوں گے ،ْدھرنے کا تیرہواںدن ضلع گلبرگ وسطی کے قافلے عائشہ منزل ، کریم آباد ،لیاقت آباد ڈاکخانہ ،گرومندر، نمائش چورنگی پر دھرنے دیتے ہوئے مرکزی دھرنے پر پہنچے
جمعرات 13 جنوری 2022 00:09
(جاری ہے)
حافظ نعیم الرحمن نے دھرنے کے شرکاء ، حیدرآباد سمیت سندھ کے مختلف علاقوں سے آنے والے وفود اور خواتین سیشن سے خطاب کرتے ہوئے کہا کہ ہم سندھ کے حکمرانوں سے کہتے ہیں کہ تم کراچی ہی نہیں پورے سندھ پر قابض ہو،یہ قبضہ ختم کرو اور مظلوم اور محروم عوام کو ان کا حق دو ، سندھ اسمبلی پر جاری یہ کراچی دھرنا قوم کے بچوں کے مستقبل کا معاملہ ہے ، کراچی دھرنا عوامی امیدوں کا مرکز و محور بن گیا ہے ،انہوں نے کہاکہ کراچی پر قبضہ کے مطلب سندھی مہاجر سرائیکی پٹھان بلوچ سب کے حقوق پر قبضہ ہے ،کراچی کو اس کا حق ملے گا تو ہر زبان بولنے والا کراچی کا ہر شہری خوش رہے گا اور اس کے مسئلے حل ہوں گے۔
ہمارے دھرنے میں کراچی کے ہر علاقے اور ہر زبان بولنے اور اندرون سندھ سے وفود نے شرکت کی اور یہ ثابت کردیا ہے کہ لسانیت و عصبیت کی سیاست نہیں چلے گی۔لسانیت و عصبیت کی سیاست پیپلزپارٹی اور ایم کیو ایم نے کی ہے جو انہی کو مبارک ہو۔ حکومتی مذاکراتی ٹیم کا کہنا تھا ہم دھرنا ختم کردیں لیکن ہم نے واضح کردیا تھا کہ دھرنا بھی جاری رہے گا اور مذاکرات بھی ، تین دن ہوگئے کوئی پیش رفت نہیں ،بامقصد مذاکرات سے راہ فرار اختیار کیا گیا تو ہم شاہراہ فیصل پر بھی دھرنے کا اعلان کرسکتے ہیں ، ہم وزیر اعلیٰ ، بلاول بھٹو زرداری اور آصف علی زرداری سے کہتے ہیں کہ یہ کیسی پالیسی ہے کہ مذاکرات بھی کرنا چاہتے ہیں اور صوبائی وزراء ایسے بیانات دے رہے ہیں کہ مذاکرات کا عمل اور فضا خراب ہو جائے، صوبائی وزارت اطلاعات میڈیا پر کروڑوں روپے کے اشتہارات دے کر من پسند سیاسی مقاصد حاصل کرنے کی کوشش کررہی ہے ، ہم امید کرتے ہیں کہ میڈیا عوامی احساسات و جذبات کی ترجمانی کرے گا ۔میں تو حیران ہوں کہ سعید غنی صاحب ایسا کیوں کہ رہے ہیں ،وہ جس آمر کی بات کررہے ہیں اسی کی حکومت میں سعید غنی یوسی چیئرمین تھے اور وہ اس کمیٹی میں بھی شامل ہیں جو ہم سے مذاکرات کے لیے بنائی گئی ہے ،وہ یہ بتائیں کہ وہ جماعت اسلامی کے خلاف بات کر رہے ہیں یا پیپلز پارٹی خلاف ،وہ بھول گئے کہ فیلڈ مارشل ایوب خان کو ڈیڈی کون کہتا تھاسعید غنی صاحب یہ بتائیں کیا کے ڈی اے سندھ حکومت کے ماتحت ہونا چاہیئے یا نہیں ۔ انہوں نے کہاکہ پیپلز پارٹی 14 سال سے صوبے پرمسلط ہے اس نے کراچی سمیت پورے سندھ کو تباہ کیا ،بلدیاتی اداروں سے اختیارات لے کر انہیں مفلوج بنایا ،پچھلے کئی سال سے دعویٰ کیے جارہے ہیں کہ تین سو بسیں آنے والی ہیں لیکن آج تک ایک بس بھی نہیں آئی ،نعمت اللہ خان کے مکمل کردہ K3منصوبہ کے بعدآج تک K4منصوبہ پورا نہیں ہوا ،صوبے کا پچانوے فیصد ریوینیو کراچی دیتاہے لیکن اس تناسب سے اسے حق نہیں دیا جاتا ،وفاقی حکومت نے بھی کے فور کے لیے نعرے اور اعلانات کے سوا کچھ نہیں کیا۔انہوں نے مزیدکہاکہ کوئی وڈیرہ اور جاگیردار کسی صورت نہیں چاہتا کہ عوام کو اختیارات ملیں اور وہ اوپر آئیں ،بلدیاتی نمائندے بااختیار ہوںگے تو پورے سندھ کے نمائندے بااختیار ہوں گے،اندرون سندھ میں کونسلرز،چیئر مین اور میئر ُبھی پیپلز پارٹی سمیت کسی بھی پارٹی کا ہو ہم ان سب کو بااختیار اور باوسائل کرنے کی بات کرتے ہیں ۔ہمارا مطالبہ ہے کہ کراچی میں میگاسٹی گورنمنٹ قائم کی جائے ،دیہی و شہری آبادی میں یکساں تناسب سے نئی حلقہ بندیاں کی جائیں ،بین الاقوامی طرزکا ٹرانسپورٹ کا نظام دیا جائے،شہر میں میئر ،ڈپٹی میئر ،کونسل کے ممبران کا براہ راست انتخاب کیا جائے ،کراچی ٹرانسفارمیشن پلان کا نگراں بااختیار میئر کو بنایا جائے ،بااختیار شہری حکومت کے ماتحت صحت ،تعلیم، اسپورٹس، سالڈ ویسٹ مینیجمنٹ کا مربوط نظام بنایا جائے، کے ڈی اے ،ایس بی سی اے ،واٹر اینڈ سیوریج بورڈ ،سٹی پولیس وٹریفک پولیس سمیت بلدیاتی اداروں میگاسٹی گورنمنٹ کے تحت کیے جائیں ،کوٹہ سسٹم ختم اورنئی مردم شماری ڈی فیکٹو کی بجائے ڈی جور طریقے سے کی جائے ۔کوٹہ سسٹم کے غٰیر معینہ مدت تک کے اضافے اور جعلی مردم شماری کی منظوری پی ٹی آئی اور ایم کیو ایم نے مل کر دی ،کراچی کی حق تلفی اور اس کے ساتھ ظلم و زیادتی میں ایم کیو ایم ،پی ٹی آئی اور پیپلزپارٹی سمیت تمام حکومتی جماعتیں شامل ہیں ۔دھرنے میں جماعت اسلامی حیدر آباد کے سابق امیر مشتاق احمد خان ، صوبائی ڈپٹی سیکریٹری و پبلک ایڈ کمیٹی کے صدر عبد الباسط خان ،سردار محمد زبیر خادم حسین سولنگی،جماعت اسلامی بلوچستان کے نائب امیر عطاء الرحمن،انسٹی ٹیوٹ آف پالیسی اسٹڈیز کے ڈائریکٹر خالد رحمن اورنگی ٹائون 13 مارکیٹ تنظیموں پر مشتمل اورنگی ٹائون ٹریڈرز ایسوسی ایشن کے صدر عبد اللہ بٹرا، سینئر نائب صدر زبیر الدین ، نائب صدر سید رضی حیدر رضوی ، سیکریٹری شہباز نومی ، جوائنٹ سیکریٹڑی فیض الحسن ودیگر عہدیداران ، گلشن معمار کے مختلف سیکٹرز پر مشتمل مرکزی محلہ کمیٹی کے وفد ، جمعیت طلبہ عربیہ کراچی کے ارکان و کارکنان ،میٹ مرچنٹ ایسوسی ایشن کا وفد چیئرمین ناصر قریشی کی قیادت میں،پٹنی خدمت کمیٹی کے سلیم پٹنی کی قیادت میں وفد،سابق عالمی فٹبال پلیئر محمد نقی ،16اسٹار فٹبال کلب کے صدر اصفر عارف ،سکریٹری ہارون شیرازی کی قیادت میں وفدسمیت دیگر نے بھی شرکت کی اور دھرنے کے شرکاء سے اظہار یکجہتی کیا۔دھرنے میں پبلک ایڈ کمیٹی جماعت اسلامی کی کوششوں سے بحریہ ٹاؤن کے متاثرین کو ریفنڈ کی مد میں چیک اور بنک ڈرافٹ بھی تقسیم کیے گئے ،جن میں لاہور سے آنے والے محمد علی بھی شامل تھے جنہیں 20لاکھ روے کا چیک دیا گیا ۔دھرنے میں رات گئے ’’پاکستان میں جمہوریت جعلی ہے ‘‘کے عنوان سے ایک مباحثہ بھی منعقد کیا گیا ۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.