جعلی حج بکنگ کی شکایات ملنے پر وزارتِ مذہبی امور نے تنبیہ جاری کر دی

حج کے نام پر فراڈ کرنے والے جعلسازوں کے خلاف قانونی کارروائی کی جائے گی، وزارتِ مذہبی امور

جمعرات 13 جنوری 2022 13:48

جعلی حج بکنگ کی شکایات ملنے پر وزارتِ مذہبی امور نے تنبیہ جاری کر دی
اسلام آباد (اُردو پوائنٹ اخبارتازہ ترین - این این آئی۔ 13 جنوری2022ء) جعلی حج بکنگ کی شکایات ملنے پر وزارتِ مذہبی امور نے تنبیہ جاری کر دی ۔ وزارت مذہبی امور کی جانب سے جاری اعلامیہ کے مطابق عوام الناس حج 2022 کی بکنگ کیلئے کسی کو پیسے مت دیں،ابھی تک حج پالیسی 2022 کا اعلان نہیں ہوا، نہ ہی کسی کو حج بکنگ کی اجازت ہے۔ وزارت مذہبی امور کے مطابق عوام الناس حج کے نام پر فراڈ کرنے والوں سے ہوشیار رہیں۔

(جاری ہے)

وزارتِ مذہبی امور نے کہاکہ حج کے خواہشمند وزارت کی جانب سے باقاعدہ اعلان کا انتظار کریں ۔ وزارتِ مذہبی امور کے مطابق جعلی حج بکنگ کرنے والے افراد/کمپنی کی شکایات کیلئے حج ہیلپ لائن پر رابطہ کریں۔وزارت مذہبی امور کے مطابق عازمینِ حج کسی بھی فرد یا ادارے کو پیسے اور پاسپورٹ جمع مت کروائیں۔وزارتِ مذہبی امور کے مطابق حج کے نام پر فراڈ کرنے والے جعلسازوں کے خلاف قانونی کارروائی کی جائے گی۔

متعلقہ عنوان :