چین کے شہر بیجنگ میں اومی کرون کا پہلا مقامی کیس سامنے آگیا

متاثرہ شخص سے رابطے میں آنے والے ڈھائی ہزار افراد کے کورونا ٹیسٹ،مریض کا کمپاونڈ اور دفتر سیل

پیر 17 جنوری 2022 13:27

بیجنگ (اُردو پوائنٹ اخبارتازہ ترین - این این آئی۔ 17 جنوری2022ء) چین کے شہر بیجنگ میں اومی کرون کا پہلا مقامی کیس سامنے آگیا ہے۔انتظامیہ نے متاثرہ شخص سے رابطے میں آنے والے تقریبا ڈھائی ہزار افراد کے کورونا ٹیسٹ کئے ہیں جبکہ مریض کا کمپاونڈ اور دفتر سیل کردیا گیا ۔

(جاری ہے)

میڈیارپورٹس کے مطابق دوسری جانب کورونا کا اومی کرون ویرینٹ تیزی سے دنیا کو اپنی لپیٹ میں لینے لگا ہے، ایک ہی دن میں بتیس لاکھ سے زائد نئے کیسز رپورٹ ہوئے ہیں۔امریکا میں آٹھ لاکھ، فرانس میں تین لاکھ اور بھارت میں ڈھائی لاکھ سے زائد افراد متاثر ہوئے ہیں۔