پنجاب میں جرائم کی شرح میں خوفناک حد تک اضافہ ہوچکا ہے‘عظمی بخاری

قتل،چوری اور ڈکیتی کے واقعات کورونا سے بھی زیادہ تیزی سے رپورٹ ہو رہے ہیں‘سیکرٹری اطلاعات (ن) لیگ پنجاب

بدھ 19 جنوری 2022 15:02

پنجاب میں جرائم کی شرح میں خوفناک حد تک اضافہ ہوچکا ہے‘عظمی بخاری

لاہور(اُردو پوائنٹ اخبارتازہ ترین - این این آئی۔ 19 جنوری2022ء) مسلم لیگ(ن)پنجاب کی سیکرٹری اطلاعات عظمی بخاری نے کہاہے کہ پنجاب میں جرائم کی شرح میں خوفناک حد تک اضافہ ہوچکا ہے،قتل،چوری اور ڈکیتی کے واقعات کورونا سے بھی زیادہ تیزی سے رپورٹ ہو رہے ہیں۔اپنے بیان میں انہوںنے کہاکہ پنجاب جرائم کی بڑھتی وارداتوں کی وجہ سے اول نمبر پر آگیا ہے۔

(جاری ہے)

پنجاب حکومت کی توجہ صرف آئی جی،ڈی پی او اور سی سی پی او کے تبادلوں تک محدود ہے۔عثمان بزدار ہر واقعے پر نوٹس لے کر غائب ہو جاتے ہیں۔عثمان بزدار کا آفس شاید غائبانہ طور پر واقعات کا نوٹس لے کر مٹی ڈالنے کی کوشش کرتا ہے۔پنجاب کے وزیر قانون بھی صرف شو پیس وزیر بن کر رہ گئے ہیں۔عمران خان نے پنجاب پولیس سیاسی مقاصد کیلئے استعمال ہونے والی فورس بنادیا ہے۔